എറണാകുളം: പി ആൻഡ് ടി കോളനി നിവാസികളെ പുനരധിവസിപ്പിച്ച സർക്കാർ വക ഫ്ലാറ്റ് ചോർന്ന സംഭവത്തിൽ അധികാരികളെ പരിഹസിച്ച് ഹൈക്കോടതി. ഷവർ ബിൽഡിങ് എന്നായിരുന്നു കോടതിയുടെ പരിഹാസരൂപേണയുള്ള പരാമർശം.
പാലാരിവട്ടത്ത് സ്ലാബിനുള്ളിൽ വഴിയാത്രക്കാരിയുടെ കാൽ കുടുങ്ങിയതു പോലെയുള്ള സംഭവങ്ങൾ ഭാവിയിൽ ആവർത്തിക്കരുതെന്നും ഹൈക്കോടതി ഓർമിപ്പിച്ചു. സ്ലാബിനിടയിൽ കാൽ അകപ്പെട്ട സ്‌ത്രീ രക്ഷപ്പെട്ടത് ഭാഗ്യം കൊണ്ടാണെന്നും കോടതി ചൂണ്ടിക്കാട്ടി. കൊച്ചി നഗരത്തിലെ നടപ്പാതകളുടെ നിലവിലെ സ്ഥിതി സംബന്ധിച്ച് റിപ്പോർട്ട് സമർപ്പിക്കാൻ ജില്ലാ കളക്‌ടർക്ക് ഹൈക്കോടതി നിർദേശം നൽകി.
അതേസമയം നടപ്പാത നവീകരണം കെഎംആർഎല്ലിന്‍റെ ചുമതലയാണെന്ന് പൊതുമരാമത്ത് വകുപ്പും കൊച്ചി കോർപ്പറേഷനും കോടതിയെ അറിയിച്ചു. അപകടം സംഭവിച്ചയിടത്ത് സ്ലാബ് ഇട്ടതായും നടപ്പാത നവീകരണം സംബന്ധിച്ച് മറുപടി നൽകാൻ സാവകാശം വേണമെന്നും കെഎംആർഎൽ കോടതിയിൽ വ്യക്തമാക്കി.
ALSO READ: കൊച്ചിയിലെ കാനകളുടെ ശുചീകരണം, സർക്കാർ ഫ്ലാറ്റിലെ ചോർച്ച; രൂക്ഷ വിമർശനവുമായി ഹൈക്കോടതി
