മലപ്പുറം: 10 വയസുകാരനെ ശാരീരികമായി പീഡിപ്പിച്ച കേസിൽ അത്തർ കച്ചവടക്കാരൻ വണ്ടൂർ പോലീസിന്‍റെ പിടിയിൽ. മുഹമ്മദലി എന്നയാളാണ് പിടിയിലായത്. ഇയാൾ 2018 മുതൽ കുട്ടിയെ പീഡിപ്പിച്ചു വരുന്നതായി പൊലീസ് പറഞ്ഞു.
മഞ്ചേരി മെഡിക്കൽ കോളജിൽ മാനസികരോഗ വിദഗ്‌ധനെ കാണാനെത്തിയ കുട്ടി വണ്ടൂർ വാണിയമ്പലത്ത് വച്ച് ശാരീരിക പീഡനത്തിനിരയായ വിവരം പറയുകയായിരുന്നു. തുടർന്ന് ഡോക്‌ടർ വണ്ടൂർ പൊലീസിൽ വിവരം അറിയിക്കുകയായിരുന്നു. പ്രതിയെ അറസ്‌റ്റ് ചെയ്‌ത്‌ പെരിന്തൽമണ്ണ കോടതിയിൽ ഹാജരാക്കി.
Also Read: വീട്ടില്‍ അതിക്രമിച്ചു കയറി 9 വയസുകാരിയെ പീഡിപ്പിച്ചു; പ്രതിക്ക് കഠിന തടവും പിഴയും ശിക്ഷ
