ഐസിസി ടി20 റാങ്കിങ്ങില്‍ സഞ്ജു സാംസണ്‍ താഴേക്ക് വീണു. ഇംഗ്ലണ്ടിനെതിരായ പരമ്പരയിലെ മോശം പ്രകടനത്തെ തുടര്‍ന്ന് സഞ്ജുവിന് ടി20 ബാറ്റര്‍മാരുടെ റാങ്കിങ്ങില്‍ 12 സ്ഥാനമാണ് നഷ്ടമായത്. കഴിഞ്ഞയാഴ്ച 17-ാം സ്ഥാനത്തുണ്ടായിരുന്ന താരം ഐസിസി ഏറ്റവും ഒടുവില്‍ പുറത്തുവിട്ട റാങ്കിങ്ങില്‍ 29-ാം സ്ഥാനത്താണ് നില്‍ക്കുന്നത്. ഇംഗ്ലണ്ടിനെതിരായ ആദ്യ മൂന്ന് മത്സരങ്ങളില്‍ നിന്ന് ആകെ 34 റണ്‍സ് മാത്രമാണ് സഞ്ജുവിന് നേടാനായത്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
വരുൺ ചക്രവർത്തിക്ക് മുന്നേറ്റം
അതേസമയം ടി20 ബൗളിങ് റാങ്കിങ്ങിൽ വരുൺ ചക്രവർത്തി മുന്നേറ്റം നടത്തി. 25 സ്ഥാനം മുന്നേറി താരം അഞ്ചാം റാങ്കിലെത്തി. രാജ്‌കോട്ടിൽ 5 വിക്കറ്റാണ് വരുണ്‍ വീഴ്ത്തിയത്. ഇംഗ്ലണ്ടിന്‍റെ ആദിൽ റഷീദ് ഒരു സ്ഥാനം മെച്ചപ്പെടുത്തി ഒന്നാം സ്ഥാനത്തെത്തി. 718 റേറ്റിങ് പോയിന്‍റുമായി ലോകത്തിലെ ഒന്നാം നമ്പർ ബൗളറാണ് റാഷിദ്. ടോപ് 10 ബൗളർമാരിൽ ഇന്ത്യയുടെ പേസർ അർഷ്ദീപ് സിംഗ് 664 റേറ്റിങ് പോയിന്‍റുമായി 9-ാം സ്ഥാനത്തും രവി ബിഷ്‌ണോയ് 659 റേറ്റിങ് പോയിന്‍റുമായി 10-ാമതും അക്ഷര് പട്ടേൽ 11-ാം സ്ഥാനത്തുമാണ് നില്‍ക്കുന്നത്.
England veteran re-claims the top spot in the Men's T20I Bowling Rankings following his exploits in India 👌
— ICC (@ICC) January 29, 2025
More ⬇https://t.co/dPrG1rTQ7R
തിലക് വർമയും സ്ഥാനം മെച്ചപ്പെടുത്തി
ടി20 ബാറ്റിങ് റാങ്കിങ്ങിൽ തിലക് വർമയും സ്ഥാനം മെച്ചപ്പെടുത്തി. 832 റേറ്റിംഗ് പോയിന്‍റുമായി തിലക് രണ്ടാം സ്ഥാനത്താണ് നില്‍ക്കുന്നത്. 763 പോയിന്‍റുമായി ക്യാപ്റ്റൻ സൂര്യകുമാർ യാദവ് നാലാം സ്ഥാനത്തും നില്‍ക്കുമ്പോള്‍ 855 പോയിന്‍റുമായി ഓസ്‌ട്രേലിയയുടെ ട്രാവിസ് ഹെഡാണ് നിലവിൽ ടി20യിലെ ടോപ് ബാറ്റര്‍. യശസ്വി ജയ്‌സ്വാൾ ഒരു സ്ഥാനം താഴ്ന്ന് 9-ാമതായി.
ഓൾറൗണ്ടറായി ഹാർദിക് പാണ്ഡ്യ
ഐസിസി ടി20 റാങ്കിങ്ങിലെ ഓൾറൗണ്ടർമാരുടെ പട്ടികയിൽ ഹാർദിക് പാണ്ഡ്യ ഒന്നാം സ്ഥാനം നിലനിർത്തി. 255 റേറ്റിംഗ് പോയിന്‍റുമായി ലോകത്തിലെ ടി20 ഓൾറൗണ്ടറായി താരം തുടരുന്നു. ഹാർദികിനെ കൂടാതെ മറ്റൊരു ഇന്ത്യൻ ഓൾറൗണ്ടറും ആദ്യ 10 പട്ടികയിൽ ഇടം പിടിച്ചിട്ടില്ല. 158 റേറ്റിങ് പോയിന്‍റുമായി അക്സർ പട്ടേൽ 12-ാം സ്ഥാനത്താണ്.
Also Read: എംഎസ് ധോണിയുടെ ടി20 റെക്കോര്‍ഡ് മറികടന്ന് ദിനേശ് കാർത്തിക് ചരിത്രമെഴുതി - DINESH KARTHIK RECORD
