ഹെെദരാബാദ്: ഗുസ്‌തി താരം വിനേഷ് ഫോഗട്ടിനെ അയോഗ്യയാക്കിയ സംഭവത്തിൽ പ്രതികരണവുമായി മുൻ ഇന്ത്യൻ താരം സൈന നെഹ്‌വാൾ. വിനേഷിന്‍റെ ഭാഗത്തും എവിടെയോ പിഴച്ചിട്ടുണ്ടെന്ന് സൈന പറഞ്ഞു.
പൊതുവേ, ഇത്തരം പിഴവുകൾ ഈ തലത്തിലുള്ള ഒരു കായികതാരത്തിനും സംഭവിക്കില്ല. ഇതെങ്ങനെ സംഭവിച്ചു എന്നത് ഒരു ചോദ്യചിഹ്നമാണ്. ഒരു കായികതാരം എന്ന നിലയിൽ എനിക്ക് വിഷമം തോന്നുന്നുവെന്ന് സൈന വിഷയവുമായി ബന്ധപ്പെട്ട് മാധ്യമങ്ങളോട് പറഞ്ഞു.
വിനേഷ് ആദ്യ ഒളിമ്പിക്‌സ് കളിക്കുന്നത് പോലെയല്ല, ഇത് മൂന്നാമത്തെ ഒളിമ്പിക്‌സാണ്. ഒരു കായികതാരമെന്ന നിലയിൽ നിയമങ്ങൾ അറിഞ്ഞിരിക്കണം. അമിതഭാരം കാരണം അയോഗ്യരാക്കപ്പെട്ട മറ്റ് ഒരു ഗുസ്‌തിക്കാരെക്കുറിച്ച് ഞാൻ കേട്ടിട്ടില്ല, അവൾ പരിചയസമ്പന്നയായ ഒരു കായികതാരമാണെന്ന് സൈന നെഹ്‌വാൾ കൂട്ടിച്ചേർത്തു.
