ചാമ്പ്യൻസ് ട്രോഫി പോര് മുറുകുന്നു; പാകിസ്ഥാന് പിടിവാശി, ബഹിഷ്‌ക്കരിക്കുമെന്ന് ഭീഷണി

മത്സരങ്ങൾ മറ്റെവിടേക്കെങ്കിലും മാറ്റിയാൽ പാക് ടീം ടൂർണമെന്‍റിൽ നിന്ന് പിന്മാറിയേക്കുമെന്ന് പാക് മാധ്യമങ്ങൾ റിപ്പോർട്ട് ചെയ്യുന്നു.

അടുത്ത വർഷം നടക്കാനിരിക്കുന്ന ചാമ്പ്യൻസ് ട്രോഫിക്കായി ഇന്ത്യൻ ടീം പാകിസ്ഥാനിലേക്കില്ലെന്ന് ബിസിസിഐ വ്യക്തമാക്കിയതോടെ കടുത്ത നിലപാടുമായി പാക് ക്രിക്കറ്റ് ബോർഡ്. മത്സരങ്ങൾ മറ്റെവിടേക്കെങ്കിലും മാറ്റിയാൽ പാക് ടീം ടൂർണമെന്‍റിൽ നിന്ന് പിന്മാറിയേക്കുമെന്ന് പാക് മാധ്യമങ്ങൾ റിപ്പോർട്ട് ചെയ്യുന്നു. നിലവില്‍ മത്സരങ്ങള്‍ നടത്തുന്നതിനായി രാജ്യത്തെ മൂന്ന് സ്റ്റേഡിയങ്ങളില്‍ നവീകരണ പ്രവര്‍ത്തനങ്ങള്‍ തകൃതിയാണ്.

ചാമ്പ്യൻസ് ട്രോഫി ഒരേ സമയം ഹൈബ്രിഡ് മോഡലിൽ നടത്തിയാൽ മാത്രമേ പങ്കെടുക്കൂവെന്ന് ഇന്ത്യ ഐസിസിയെ അറിയിച്ചിട്ടുണ്ട്. യുഎഇയിൽ ടീം ഇന്ത്യ കളിക്കുന്ന മത്സരങ്ങൾ സംഘടിപ്പിക്കാനുള്ള തയ്യാറെടുപ്പുകൾ നടത്താൻ പാകിസ്ഥാൻ ക്രിക്കറ്റ് ബോർഡിനോട് ഐസിസി ആവശ്യപ്പെട്ടു.

🚨 SOUTH AFRICA LIKELY TO HOST 2025 CHAMPIONS TROPHY IF PAKISTAN REFUSES FOR HYBRID MODEL...!!! 🚨 (Sports Tak). pic.twitter.com/g9xhXrN5LI

— Mufaddal Vohra (@mufaddal_vohra) November 12, 2024

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക

എന്നാൽ ഈ നിർദേശം പിസിബി അംഗീകരിച്ചില്ല. ടൂർണമെന്‍റുമായി ബന്ധപ്പെട്ട എല്ലാ മത്സരങ്ങളും സ്വന്തം നാട്ടിൽ തന്നെ നടത്തണം. ആതിഥേയാവകാശം വെട്ടിക്കുറച്ചാൽ ടൂർണമെന്‍റ് പൂർണമായും ഉപേക്ഷിക്കാൻ തയ്യാറാണെന്നാണ് പാകിസ്ഥാൻ പറയുന്നത്.

കൂടാതെ ഇരുരാജ്യങ്ങളും തമ്മിലുള്ള തർക്കങ്ങൾ പരിഹരിക്കപ്പെടുന്നതുവരെ ഇന്ത്യയിൽ നടക്കുന്ന മറ്റ് ഐസിസി പരിപാടികളിൽ പങ്കെടുക്കേണ്ടതില്ലെന്ന് പാകിസ്ഥാൻ തീരുമാനിച്ചതായാണ് സൂചന. 2036 ഒളിമ്പിക്‌സിന് ഇവിടെ ആതിഥേയത്വം വഹിക്കാൻ താൽപ്പര്യം പ്രകടിപ്പിച്ച് ഇന്ത്യ ഇതിനകം ഐഒസി ഫ്യൂച്ചർ ഹോസ്റ്റ് കമ്മീഷന് കത്തെഴുതിയിട്ടുണ്ട്. എന്നാൽ ഇതിനെതിരെ സമ്മർദം ചെലുത്താൻ പാകിസ്ഥാൻ ആഗ്രഹിക്കുന്നതായും പാക് മാധ്യമങ്ങളിൽ റിപ്പോർട്ടുകളുണ്ട്.

🚨 CHAMPIONS TROPHY IN SOUTH AFRICA 🚨

- If PCB doesn't agree with the Hybrid model, the tournament is likely to be shifted to South Africa. [Sports Tak] pic.twitter.com/EL2itopig0

— Johns. (@CricCrazyJohns) November 12, 2024

പാകിസ്ഥാൻ ക്രിക്കറ്റ് ബോർഡ് പിടിവാശി കാണിക്കുകയും ഹൈബ്രിഡ് മോഡൽ നിരസിക്കുകയും ചെയ്‌താല്‍ ദക്ഷിണാഫ്രിക്കയില്‍ മുഴുവൻ ടൂർണമെന്‍റ് നടക്കാനുള്ള സൂചനയുണ്ട്. എന്നാൽ പിസിബി മുഴുവൻ സാഹചര്യവും വിലയിരുത്തുകയാണ്. സർക്കാര്‍ മാർഗ്ഗനിർദ്ദേശങ്ങൾ ബോർഡ് പാലിക്കുമെന്ന് പിസിബി ഉദ്യോഗസ്ഥൻ പറഞ്ഞു.