ഹൈദരാബാദ്: സന്തോഷ് ട്രോഫി ഒന്നാം സെമിയില്‍ നിലവിലെ ചാമ്പ്യന്മാരായ സർവീസസിനെ തോല്‍പ്പിച്ച് ബംഗാൾ സന്തോഷ് ട്രോഫി ഫൈനലിൽ പ്രവേശിച്ചു. റോബി ഹൻസ്ദായുടെ ഇരട്ടഗോൾ മികവിൽ 4-2നാണ് സർവീസസിനെ തകര്‍ത്തത്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
മനോതോസ് മാജി, നരോഹരി ശ്രേഷ്ഠ എന്നിവരും ബംഗാളിനായി ഗോളടിച്ചു. മത്സരത്തിലെ 17-ാം മിനിറ്റില്‍ തന്നെ ഗോളടിച്ച് ബംഗാൾ മുന്നേറ്റം തുടങ്ങിയിരുന്നു. മാജിയില്‍ നിന്നായിരുന്നു ആദ്യഗോള്‍ പിറന്നത്. സർവിസസ് നിരയിൽ മൂന്നു മലയാളികൾ ആദ്യ ഇലവനിൽ സ്ഥാനം പിടിച്ചിരുന്നു. മുന്‍പ് ഇരുടീമുകളും 32 തവണ മത്സരിച്ചപ്പോൾ 21 തവണയും ബംഗാളിനായിരുന്നു ജയം. 6 തവണ മാത്രമാണ് സർവീസസ് ജയം നേടിയത്.
West Bengal withstand Services ambush to storm into Santosh Trophy final 💥
— Indian Football Team (@IndianFootball) December 29, 2024
Check out the link for match report⬇️https://t.co/eAAMKxq1U6#SantoshTrophy #IndianFootball ⚽️ pic.twitter.com/jqDMmPrMHH
അതേസമയം ഇന്ന് നടക്കുന്ന രണ്ടാം സെമിയില്‍ കേരളം മണിപ്പൂരിനെ നേരിടും. ഹൈദരാബാദ് ജിഎംസി ബാലയോഗി സ്റ്റേഡിയത്തിൽ ഇന്നു രാത്രി 7.30നാണ് കേരളം– മണിപ്പൂർ സെമി. സന്തോഷ് ട്രോഫി ഫൈനൽ റൗണ്ട് മത്സരങ്ങളിൽ ഇതുവരെ 5 തവണയാണ് കേരളവും മണിപ്പുരും തമ്മില്‍ മത്സരിച്ചത്. കേരളം മൂന്ന് തവണ ജയിച്ചപ്പോള്‍ രണ്ട് തവണ ജയം മണിപ്പൂരിനൊപ്പമായിരുന്നു.
𝐒𝐄𝐌𝐈-𝐅𝐈𝐍𝐀𝐋 𝐒𝐇𝐎𝐖𝐃𝐎𝐖𝐍𝐒! 🔥
— Indian Football Team (@IndianFootball) December 29, 2024
The road to glory narrows as we move to Gachibowli 🏟️ for the business end of the #SantoshTrophy 🛣️
Who will book their place in the final on New Year's Eve? 🏆
Watch LIVE 📺 DD Sports and https://t.co/bYRYsQeB5j#IndianFootball ⚽️ pic.twitter.com/iD0CyVmrqC
കഴിഞ്ഞ രണ്ടുതവണയും കേരളം ക്വാർട്ടര്‍ കാണാതെ പുറത്തായിരുന്നു. ഇത്തവണ കിരീടം സ്വന്തമാക്കുകയാണ് ലക്ഷ്യം. ഏഴുതവണ ജേതാക്കളായപ്പോൾ എട്ടുതവണ റണ്ണറപ്പായി. 2022ൽ മലപ്പുറം മഞ്ചേരിയിലാണ്‌ കേരളം അവസാനമായി കിരീടം സ്വന്തമാക്കിയത്. ഇന്ന് കേരളം ജയിക്കുകയാണെങ്കില്‍ ബംഗാള്‍-കേരളം ഫൈനല്‍ പോരാട്ടം പ്രതീക്ഷിക്കാം.
