റോബിന (ഓസ്‌ട്രേലിയ): ദൈനംദിന ശീലങ്ങൾ ചർമ്മത്തെ ദോഷകരമായി ബാധിക്കുമെന്ന അവകാശവാദങ്ങളാണ് സോഷ്യൽ മീഡിയയിൽ നിറയുന്നത്. പരിരക്ഷക്കായുള്ള ഉൽപ്പന്നങ്ങൾ ശുപാർശ ചെയ്യുന്ന പരസ്യങ്ങളും കാണാം. എന്നാല്‍ മൊബൈലില്‍ നിന്നുള്ള ബ്ലൂ ലൈറ്റ് ചര്‍മ്മത്തെ എത്രത്തോളം ദോഷകരമായി ബാധിക്കുന്നെണ്ടെന്ന്‌ പലര്‍ക്കും അറിയില്ല. അവയെ അകറ്റാന്‍ ക്രീമുകളോ ലോഷനുകളോ ഉപയോഗിക്കുന്നത് സഹായിക്കുമോ എന്നതും ചോദ്യമാണ്‌.
ബ്ലൂ ലൈറ്റ് ദൃശ്യപ്രകാശ സ്പെക്‌ട്രത്തിന്‍റെ ഭാഗമാണ്. സൂര്യപ്രകാശമാണ് ഏറ്റവും ശക്തമായ ഉറവിടം. എന്നാൽ ഫോണുകൾ, ലാപ്‌ടോപ്പുകൾ, ടിവികൾ തുടങ്ങിയ ഇലക്‌ട്രോണിക് ഉപകരണങ്ങളും 100-1000 മടങ്ങ് കുറവാണെങ്കിലും ഇത് ബ്ലൂ ലൈറ്റ് പുറത്തുവിടുന്നു. ഈ ഉപകരണങ്ങൾ അധിക സമയം ഉപയോഗിക്കുന്നത് കണ്ണുകളിലും ഉറക്കത്തിലും ഉൾപ്പെടെ ആരോഗ്യത്തെ ബാധിക്കുന്നതിനെക്കുറിച്ച് ആശങ്കയുണ്ട്. കൂടാതെ ചർമ്മത്തിലും സ്വാധീനം ചെലുത്തുന്നു.
ബ്ലൂ ലൈറ്റ് ചർമ്മത്തെ എങ്ങനെ ബാധിക്കുന്നു
- ബ്ലൂ ലൈറ്റ് പിഗ്‌മെന്‍റേഷന്‍ വർധിപ്പിക്കും: ബ്ലൂ ലൈറ്റ് എക്സ്പോഷർ ചെയ്യുന്നത് ചർമ്മത്തിന് നിറം നൽകുന്ന സ്വാഭാവിക ചർമ്മ പിഗ്‌മെന്‍റായ മെലാനിൻ ഉൽപാദനത്തെ ഉത്തേജിപ്പിക്കുമെന്ന് പഠനങ്ങൾ സൂചിപ്പിക്കുന്നു. അതിനാൽ ബ്ലൂ ലൈറ്റ് മെലാനിൻ ഹൈപ്പർപിഗ്‌മെന്‍റേഷൻ കൂട്ടുന്നു, ഇത് ചർമ്മത്തിൽ കറുത്ത പാടുകൾ ഉണ്ടാക്കുന്നു, പ്രത്യേകിച്ച് ഇരുണ്ട ചർമ്മമുള്ളവരിൽ.
- ബ്ലൂ ലൈറ്റ് ചുളിവുകൾ സൃഷ്‌ട്ടിക്കുന്നു: ചില ഗവേഷണങ്ങൾ സൂചിപ്പിക്കുന്നത് ബ്ലൂ ലൈറ്റ് കൊളാജൻ, ചർമ്മത്തിന്‍റെ ഘടനയ്ക്ക് അത്യന്താപേക്ഷിതമായ പ്രോട്ടീൻ, ചുളിവുകളുടെ രൂപീകരണം ത്വരിതപ്പെടുത്താൻ ഇടയാക്കും. ഒരു മണിക്കൂറോളം ഉപകരണം ചർമ്മത്തിൽ നിന്ന് ഒരു സെന്‍റീമീറ്റർ അകലെ പിടിച്ചാൽ ഇത് സംഭവിക്കുമെന്ന് പഠനം സൂചിപ്പിക്കുന്നു. എന്നിരുന്നാലും, മിക്ക ആളുകൾക്കും, ഉപകരണം ചർമ്മത്തിൽ നിന്ന് 10 സെന്‍റീമീറ്ററിൽ കൂടുതൽ അകലെ പിടിക്കുകയാണെങ്കിൽ, അത് നിങ്ങളുടെ എക്സ്പോഷർ 100 മടങ്ങ് കുറയ്ക്കും. അതിനാൽ ഇത് പ്രാധാന്യമുള്ളതാകാനുള്ള സാധ്യത വളരെ കുറവാണ്.
- ബ്ലൂ ലൈറ്റ് ഉറക്കത്തെ തടസപ്പെടുത്തുകയും ചർമ്മത്തെ ബാധിക്കുകയും ചെയ്യും: കണ്ണുകൾക്ക് ചുറ്റുമുള്ള ചർമ്മം മങ്ങിയതോ വീർക്കുന്നതോ ആണെന്ന് തോന്നുന്നുവെങ്കിൽ, ബ്ലൂ ലൈറ്റ് കാരണമാകാം. മെലറ്റോണിന്‍റെ ഉൽപാദനത്തെ അടിച്ചമർത്താൻ ബ്ലൂ ലൈറ്റ് ഇടയാക്കും. ഈ ഹോർമോൺ സാധാരണയായി ഉറക്കത്തിന്‍റെ സമയമാകുമ്പോൾ ശരീരത്തിലേക്ക് സിഗ്നൽ നൽകുകയും ചക്രം നിയന്ത്രിക്കാൻ സഹായിക്കുകയും ചെയ്യുന്നു. മെലറ്റോണിനെ അടിച്ചമർത്തുന്നതിലൂടെ, ഉറങ്ങുന്നതിനുമുമ്പ് ബ്ലൂ ലൈറ്റ് എക്സ്പോഷർ ചെയ്യുന്നത് ഈ സ്വാഭാവിക പ്രക്രിയയെ തടസപ്പെടുത്തുന്നു, ഇത് ഉറങ്ങുന്നതിന് ബുദ്ധിമുട്ടുണ്ടാക്കുന്നു.
ബ്ലൂ ലൈറ്റ് തടയാന്‍: ഇലക്‌ട്രോണിക്ക്‌ ഉപകരണത്തിൽ നൈറ്റ് മോഡ് ക്രമീകരണം ഉപയോഗിക്കുക അല്ലെങ്കിൽ വൈകുന്നേരം ബ്ലൂ ലൈറ്റിലേക്കുള്ള എക്സ്പോഷർ കുറയ്ക്കാൻ ഒരു ബ്ലൂ-ലൈറ്റ് ഫിൽട്ടർ ആപ്പ് ഉപയോഗിക്കുക. ചർമ്മത്തിന്‍റെ ആരോഗ്യത്തെ ബാധിക്കുന്ന തരത്തിലുള്ള ഉറക്ക അസ്വസ്ഥതകൾ ഒഴിവാക്കാൻ ഉറങ്ങുന്നതിന് മുമ്പുള്ള സ്‌ക്രീൻ സമയം കുറയ്ക്കുകയും വിശ്രമിക്കുന്ന ബെഡ്‌ടൈം ദിനചര്യ സൃഷ്‌ടിക്കുകയും ചെയ്യുക. ബ്ലൂ ലൈറ്റിന്‍റെ എക്സ്പോഷർ കുറയ്ക്കാൻ നിങ്ങളുടെ ഫോണോ ഉപകരണമോ ചർമ്മത്തിൽ നിന്ന് അകറ്റി നിർത്തുക. സൺസ്ക്രീൻ ഉപയോഗിക്കുക.
ALSO READ: കുട്ടികൾക്കായി ഏതുതരം പുസ്‌തകമാണ് നിങ്ങൾ വാങ്ങുന്നത്?; ശ്രദ്ധിക്കേണ്ട കാര്യങ്ങള്‍ ഇവയൊക്കെ...
