എറണാകുളം : അഞ്ചാമത് രാജ്യാന്തര വനിത ചലച്ചിത്രമേളയുടെ ലോഗോ പ്രകാശനം ചെയ്‌തു. മേയർ അനിൽ കുമാർ ലോഗോ പ്രകാശന കർമ്മം നിർവഹിച്ചു. കേരള സംസ്ഥാന ചലച്ചിത്ര അക്കാദമി ഫെബ്രുവരി 10 മുതല്‍ 13 വരെ എറണാകുളം സവിത, സംഗീത തിയേറ്ററുകളിലാണ് ചലച്ചിത്രമേള സംഘടിപ്പിക്കുന്നത്(5TH Women's Film Festival 2024) (ഡബ്‌ള്യു.ഐ.എഫ്.എഫ്) സംഘാടക സമിതിയും രൂപീകരിച്ചു.
എറണാകുളം ഗവ.ഗസ്റ്റ് ഹൗസില്‍ ചേര്‍ന്ന സംഘാടക സമിതി രൂപീകരണയോഗം കൊച്ചി മേയര്‍ എം. അനില്‍ കുമാര്‍ ഉദ്ഘാടനം ചെയ്‌തു. നടിയും ചലച്ചിത്ര അക്കാദമി ജനറല്‍ കൗണ്‍സില്‍ അംഗവുമായ കുക്കു പരമേശ്വരന്‍ അധ്യക്ഷത വഹിച്ച ചടങ്ങില്‍ അക്കാദമി സെക്രട്ടറി സി. അജോയ് സംഘാടക സമിതി പാനല്‍ അവതരിപ്പിച്ചു. മേളയുടെ ലോഗോ മേയര്‍ എം. അനില്‍ കുമാര്‍ തെന്നലിന് നല്‍കിയാണ് പ്രകാശനം ( Women's Film Festival 2024 Logo Launched at Kochi) ചെയ്‌തത്.
തിരക്കഥാകൃത്തും ഗാനരചയിതാവുമായ ഷിബു ചക്രവര്‍ത്തി, സംവിധായകരായ സോഹന്‍ സീനുലാല്‍, പി.ആര്‍. റനീഷ് തുടങ്ങിയ നിരവധി പ്രമുഖർ യോഗത്തില്‍ പങ്കെടുത്തു. ഓണ്‍ലൈന്‍ ഡെലിഗേറ്റ് രജിസ്‌ട്രേഷന്‍ (Online Delegate Registration) ഫെബ്രുവരി അഞ്ച് (തിങ്കളാഴ്‌ച) രാവിലെ പത്തു മണിക്ക് ആരംഭിക്കും. https://registration.iffk.in/ എന്ന വെബ്‌സൈറ്റ് മുഖേന രജിസ്‌ട്രേഷന്‍ നടത്താം.
പൊതുവിഭാഗത്തിന് 472 രൂപയും വിദ്യാര്‍ത്ഥികള്‍ക്ക് 236 രൂപയുമാണ് ഡെലിഗേറ്റ് ഫീ. 28ാമത് ഐ.എഫ്.എഫ്.കെയില്‍ പ്രേക്ഷകപ്രീതി നേടിയ വനിത സംവിധായകരുടെ ചിത്രങ്ങളാണ് ചലച്ചിത്രമേളയില്‍ ഉള്‍പ്പെടുത്തിയിരിക്കുന്നത്. രണ്ട് തിയേറ്ററുകളിലായി നാലു ദിവസങ്ങളിലായി നടക്കുന്ന മേളയില്‍ (Women's Film Festival) ആകെ 31 സിനിമകളാണ് പ്രദര്‍ശിപ്പിക്കുക
Also read : ഐഐഎഫ്‌കെ കേരള ഫിലിം മാർക്കറ്റിൽ വൻ സ്വീകാര്യത നേടി താൾ
