ധ്യാൻ ശ്രീനിവാസൻ, അന്ന രേഷ്‌മ രാജൻ, കലാഭവൻ ഷാജോൺ, ബെന്നി പീറ്റേഴ്‌സ് എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന 'കുടുംബസ്‌ത്രീയും കുഞ്ഞാടും' സിനിമയുടെ ട്രെയിലർ പുറത്ത്. മഹേഷ് പി ശ്രീനിവാസൻ കഥയെഴുതി സംവിധാനം ചെയ്‌ത ഈ ചിത്രത്തിന്‍റെ രസകരമായ ഒപ്പം സസ്‌പെൻസും നിറച്ച ട്രെയിലറാണ് അണിയറ പ്രവർത്തകർ പുറത്തുവിട്ടിരിക്കുന്നത്. ചിത്രം മെയ് 31ന് തിയേറ്ററുകളിൽ റിലീസിനെത്തും.
ഇൻഡി ഫിലിംസിന്‍റെ ബാനറിൽ ബെന്നി പീറ്റേഴ്‌സ് ആണ് ഈ സിനിമയുടെ നിർമാണം. 72 ഫിലിം കമ്പനിയാണ് 'കുടുംബസ്‌ത്രീയും കുഞ്ഞാടും' തിയേറ്ററുകളിൽ എത്തിക്കുന്നത്. ജാഫർ ഇടുക്കി, സ്‌നേഹ ബാബു എന്നിവരും ഈ സിനിമയിൽ പ്രധാന വേഷങ്ങളിലുണ്ട്.
മണിയൻപിള്ള രാജു, സലിംകുമാർ, ഗിന്നസ് പക്രു, പാഷാണം ഷാജി, സ്‌നേഹ ശ്രീകുമാർ, കാർത്തിക് വിഷ്‌ണു, റിനി, അർജുൻ, രാജ സാഹിബ്, ജയകൃഷ്‌ണൻ, കോബ്ര രാജേഷ്, മജീദ്, റഷീദ്, സജി സുരേന്ദ്രൻ, സാംസൺ, ഭക്തൻ, രാജീവ്, വിൽസൺ തോമസ്, അനാമിക, അംബിക മോഹൻ, മങ്ക മഹേഷ്, ബിന്ദു എൽസ, സ്‌മിത സുനിൽകുമാർ, ജോർജ് കാച്ചപ്പിള്ളി, ബേബി ചേർത്തല, സരിത രാജീവ്, ഹരീഷ് ഭരണി, ലീല ഒറ്റപ്പാലം, അജിത് കുമാർ, മിനി, ഷാജി മാവേലിക്കര എന്നിവരാണ് മറ്റ് വേഷങ്ങളിൽ അണിനിരക്കുന്നത്.
- " class="align-text-top noRightClick twitterSection" data="">
ശ്രീകുമാർ അറയ്ക്ക‌ലാണ് ചിത്രത്തിനായി തിരക്കഥ, സംഭാഷണം എന്നിവ ഒരുക്കിയത്. ലോവൽ എസ് ആണ് 'കുടുംബസ്‌ത്രീയും കുഞ്ഞാടും' സിനിമയുടെ ഛായാഗ്രാഹകൻ. എഡിറ്റിങ് രാജ മുഹമ്മദും നിർവഹിച്ചിരിക്കുന്നു.
സിജിൽ കൊടുങ്ങല്ലൂർ, മണികണ്‌ഠൻ പെരുമ്പടപ്പ് എന്നിവർ എഴുതിയ ഗാനങ്ങൾക്ക് സംഗീതം നൽകിയിരിക്കുന്നത് ശ്രീജു ശ്രീധർ, മണികണ്‌ഠൻ പെരുമ്പടപ്പ് എന്നിവരാണ്. ഗായകരായി എം ജി ശ്രീകുമാർ, റിമി ടോമി, മണികണ്‌ഠൻ പെരുമ്പടപ്പ് എന്നിവരും അണിയറയിലുണ്ട്.
പ്രൊഡക്ഷൻ കൺട്രോളർ - ദീപു എസ് കുമാർ, പ്രൊഡക്ഷൻ എക്‌സിക്യുട്ടീവ് - ഡി മുരളി, ആർട്ട് - രാധാകൃഷ്‌ണൻ പുത്തൻചിറ, മേക്കപ്പ് - വിജിത്ത്, വസ്‌ത്രാലങ്കാരം - ഭക്തൻ മങ്ങാട്, ചീഫ് അസോസിയേറ്റ് ഡയറക്‌ടർമാർ - വിൽസൺ തോമസ്, സജിത്ത് ലാൽ, ഡബ്ബിങ് ആർട്ടിസ്റ്റ് - സ്‌മിത സുനിൽകുമാർ, പി ആർ ഒ - എം കെ ഷെജിൻ.
ALSO READ: ടർബോ മോഡ് ഓൺ ; അതിവേഗം വിറ്റഴിഞ്ഞത് ഒരു കോടി രൂപയുടെ ടിക്കറ്റുകൾ
