ചണ്ഡീഗഢ് : ഷോപ്പിങ് മാളില്‍ ടോയ് ട്രെയിന്‍ മറിഞ്ഞ് 11 വയസുകാരന്‍ മരിച്ച സംഭവത്തില്‍ രണ്ട് പേര്‍ കൂടി അറസ്റ്റില്‍. ടോയ് ട്രെയിനിന്‍റെ ഉടമകളായ സുനിൽ ചണ്ഡീഗഢ്, പുനീത് ഗുരുഗ്രാം എന്നിവരാണ് അറസ്റ്റിലായത്. 304 എ പ്രകാരമാണ് ഇവര്‍ക്കെതിരെ കേസെടുത്തിട്ടുള്ളത്. ട്രെയിൻ ഓപ്പറേറ്റർ സൗരഭ് നേരത്തെ അറസ്റ്റിലായിരുന്നു.
ശനിയാഴ്‌ച (ജൂണ്‍ 22) ഉച്ചയോടെയാണ് ചണ്ഡീഗഢിലെ എലാൻ്റെ മാളില്‍ ടോയ് ട്രെയിന്‍ അപകടത്തില്‍ ഷഹബാസിന് പരിക്കേറ്റത്. ട്രെയിൻ മറിഞ്ഞ് കുട്ടിയുടെ തല തറയിൽ ഇടിക്കുകയായിരുന്നു. ചികിത്സയിലിരിക്കെയായിരുന്നു മരണം.
