തൂത്തുക്കുടി (ചെന്നൈ) : തമിഴ്‌നാട്ടിലെ തൂത്തുക്കുടി സ്വകാര്യ മത്സ്യസംസ്‌കരണ യൂണിറ്റില്‍ അമോണിയ ടാങ്ക് പൊട്ടിത്തെറിച്ചു. തുടര്‍ന്ന് യൂണിറ്റിലുടനീളമുണ്ടായ വാതകചോര്‍ച്ചയില്‍ 30 ലധികം തൊഴിലാളികള്‍ ബോധരഹിതരായി.
തൊഴിലാളികള്‍ക്ക് ശ്വാസംമുട്ടലും കണ്ണിന് അസ്വസ്ഥതയും അനുഭവപ്പെട്ടു. ഇന്നലെ രാത്രി 11 മണിയോടെയാണ് യൂണിറ്റിലെ വൈദ്യുത അപകടത്തെ തുടർന്ന് അമോണിയ ഗ്യാസ് സിലിണ്ടർ പൊട്ടിത്തെറിച്ചത്.
തമിഴ്‌നാടിന്‍റെ വിവിധ ഭാഗങ്ങളിൽ നിന്നും ഇതര സംസ്ഥാനങ്ങളിൽ നിന്നുമായി അഞ്ഞൂറിലധികം സ്ത്രീകൾ ഇവിടെ ജോലി ചെയ്യുന്നുണ്ട്. സംഭവത്തിൽ പുതിയമ്പത്തൂർ പൊലീസ് അന്വേഷണം തുടങ്ങി.
Also Read: കണ്ണൂരില്‍ ഗ്യാസ് ടാങ്കറില്‍ വാതക ചോർച്ച; 10 പേർ ആശുപത്രിയിൽ - Gas leak from tanker in Kannur
