पाहा...पानीपत युद्धावेळी कसा होता मावळ्यांचा युद्धसराव

4 जानेवारी 1761 ला पानिपतचे युद्ध झाले होते. या युद्धाची रणनीती, त्याचा सराव परतूर शहरात झाला होता. या आठवणी ताज्या करुन देण्यासाठी 'पानीपत शौर्य यात्रा' ही दिनांक 9 ला परतूर येथे आली होती. यादरम्यान यात्रेच्या संयोजकांनी शूरवीर मावळ्यांचा युद्ध सराव कसा होता याचे प्रात्यक्षिक करुन दाखविले. या चित्तथरारक प्रात्यक्षिकामुळे अनेकांच्या हृदयाचे ठोके चुकले.  ढाल तलवारी, दांडपट्टा, लाठ्या-काठ्या, यासोबत एखाद्या महिलेचे काठीच्या माध्यमातून कसे संरक्षण करता येते हे देखील येथे पाहावयास मिळाले.