Ayodhya Sarya Ghat : अयोध्येत सरयू घाटावर साधूने हात घेतला कापून; काय आहे कारण; वाचा सविस्तर

अयोध्या : राम नगरी अयोध्येतील सरयू घाटावर ( Ayodhya Sarya Ghat ) स्नान केल्यानंतर एका अज्ञात साधूने हाताचा पंजा कापला. साधूची प्रकृती चिंताजनक झाल्याने लोकांनी त्याला रुग्णालयात दाखल केले. साधूच्या खिशातून एक पत्र सापडले आहे. हे पत्र पंतप्रधान नरेंद्र मोदी यांच्या नावाने लिहिले आहे. यामध्ये प्रधानमंत्री आवास योजना, मनरेगा माती भरणे, शौचालय योजना, महसूल व जमीन सुधारणा, रस्ते कास्टिंग योजना, मुलींच्या विवाह योजनेसह अनेक योजनांमध्ये अनियमितता व भ्रष्टाचार झाल्याचा आरोप करत कारवाईची मागणी करण्यात आली आहे. विमल कुमार समाजसेवी ग्रामपंचायत सिमरनी जिल्हा अररिया बिहार असे या साधूचे नाव आहे. सोमवारी सकाळी सरयू किनार्‍यावर याने हाताचा पंजा कापला होता. अयोध्या सरयू घाटात साधूने हात कापून पूर्णपणे वेगळे केले. घटनास्थळी पोहोचलेले पोलीस आणि स्थानिक लोकांनी कसेबसे जखमी साधूला रुग्णालयात नेले. तेथून त्यांची प्रकृती चिंताजनक असल्याने त्यांना जिल्हा रुग्णालयात रेफर करण्यात आले. डॉक्टरांनी साधूची प्रकृती चिंताजनक असल्याचे सांगितले आहे. सीओ अयोध्या राजेश तिवारी यांनी सांगितले की, जखमी व्यक्तीवर प्राथमिक उपचार सुरू आहेत. कुटुंबीयांशी संपर्क साधून घटनेची माहिती गोळा करण्याचे प्रयत्न सुरू आहेत. ( Sadhu Cut His Hand In Ayodhya Saryu Ghat )