तौक्ते चक्रीवादळाचा रत्नागिरीला तडाखा.. जिल्ह्यातील स्थितीचा आढावा

अरबी समुद्रात निर्माण झालेलं तोक्ते चक्रीवादळ कोकण किनारपट्टीवर आदळले असून यामुळे मोठ्या प्रमाणात नुकसान झाले आहे. चक्रीवादळामुळे आता राजापूर तालुक्यातील अनेक गावातील घरांवरील पत्रे व कौले उडून गेली असून बारे ताशी ५० ते ६० किलोमीटर वेगाने वाहत आहेत. दुपारी २ नंतर रत्नागिरी आणि परिसरात वादळाचा प्रभाव वाढू लागल्याचे दिसून आले. मुसळधार पावसासह सोसाट्याचा वारा वाहू लागला आहे.