गॅस दरवाढ विरोध : 'आम आदमी की जेब होगई सफाचट' गाण्यावर तृतीयपंथीयांचा ठेका...

ठाणे - देशात पेट्रोल - डिझेल दरवाढ पाठोपाठ घरगुती गॅस सिलेंडर दरात दिवसागणिक वाढ करण्यात आल्याने संपूर्ण देशभरातून संतप्त प्रतिक्रिया उमटत आहेत. त्यातच आज भिवंडी राष्ट्रवादी काँग्रेस पक्षाने दरवाढ विरोधात तीव्र आंदोलन केले. विशेष म्हणजे, या आंदोलनात तृतीयपंथीयांनीही सहभाग घेऊन 'आम आदमी की जेब होगई सफाचट' या हिंदी गाण्यावर ठेका धरत केंद्र सरकारने केलेल्या महागाई विरोधात घोषणाबाजी करीत निषेध व्यक्त केला.