गुरुपौर्णिमा विशेष : आई-वडिलांसह प्रत्येक स्तरावर 'बेस्ट' व्यक्ती भेटल्या; त्या सर्वांचे आभार - मंगेश शिंदे

आई वडिलांसह प्रत्येक स्तरावर मला 'बेस्ट' व्यक्ती भेटल्या, त्या सर्वांचे मी आभार मानतो, अशा शब्दात गोंदियाचे पोलीस अधीक्षक मंगेश शिंदे यांनी व्यक्त केल्या. 5 जुलै हा दिवस सर्वत्र गुरुपौर्णिमा म्हणून साजरा केला जातो. गुरुविषयी आपली भावना व्यक्त करून त्यांच्या विचारांना उजाळा देण्याचे काम केले जाते. या अनुषंगाने 'ईटीव्ही भारत'ने 'तस्मै श्री गुरुवे नम:' या मालिकेच्या माध्यमातून राज्यातील विविध सनदी आणि पोलीस अधिकाऱ्यांशी संवाद साधला. यावेळी या सर्वांनी आपापल्या गुरुविषयी आपली भावना व्यक्त करत त्यांचे आभार मानले. तसेच त्यांच्या शिकवणी आणि आठवणींना उजाळा दिला.