Maharashtra Kesari : कोल्हापूरचा दुष्काळ संपवला; विजयानंतर पृथ्वीराज पाटीलची प्रतिक्रिया

सातारा - 64 वी महाराष्ट्र केसरी ( Maharashtra Kesari ) स्पर्धा साताऱ्यातील छत्रपती शाहू क्रीडा संकूल येथे पार पडली. या स्पर्धेत कोल्हापूरच्या पृथ्वीराज पाटीलने मुंबईच्या विशाल बनकरवर 5-4 अशी मात करत बाजी मारली ( Prithviraj Patil Won Maharashtra Kesari ) आहे. वयाच्या एकविसाव्या वर्षी पृथ्वीराजने ही कामगिरी केली आहे. त्यानंतर पृथ्वीराजने प्रसारमाध्यमांशी संवाद साधताना 22 वर्षानंतर कोल्हापूरला चांदीच्या गदेचा दुष्काळ पडला होता. तो मी मिटवला आहे, अशी प्रतिक्रिया दिली आहे.