Sanjay Raut Criticism on Raj Thackeray : अंगावर कितीही शाली पांघरल्या तरी हिंदूहृदयसम्राट एकच, खासदार संजय राऊतांच्या राज ठाकरेंना टोला

ठाणे : राज ठाकरेंनी काही दिवसांपूर्वी दिवंगत बाळासाहेब ठाकरे ( Balasaheb Thackeray ) यांसारखी अंगावर भगवी शाल पांघरून हिंदू जननायक म्हणून प्रतिरूप जनतेसमोर आणले. मात्र, बाळासाहेबांसारखे दिसण्यासाठी कितीही अंगावर शाली पांघरल्या तरी हिंदूहृदयसम्राट आजही एकच आहे. त्यामुळे नकला करून कोणी हिंदूहृदयसम्राट होत नाही, असा खोचक टोला खासदार संजय राऊत ( MP Sanjay Raut ) यांनी राज ठाकरेंना लगावला. खासदार राऊत आज डोंबिवलीतील एका कार्यक्रमात आले होते. त्यावेळी प्रसारमाध्यमांशी बोलताना राज ठाकरे यांसह खासदार असदुद्दीन ओवैसी ( MP Asaduddin Owaisi ) यांच्यावर निशाणा साधला. राज ठाकरे यांची रविवारी (दि. 1 मे) औरंगाबादमध्ये सभा होणार आहे.