New Year Beginning Kolhapur Ambabai : अंबाबाईच्या दर्शनाने नववर्षाची सुरुवात.. कोल्हापूरात भक्तांची अलोट गर्दी

कोल्हापूर : सरत्या वर्षाला निरोप देऊन सर्वजण नवीन वर्षाची सुरुवात करवीर निवासिनी आई अंबाबाईच्या दर्शनाने ( New Year Beginning Kolhapur Ambabai ) करत असतात. यावर्षी सुद्धा अंबाबाईच्या दर्शनासाठी सकाळपासूनच हजारोंच्या संख्येने भाविक कोल्हापुरात दाखल ( Thousands Of Devotees Enter Kolhapur ) झाले आहेत. महाराष्ट्रासह इतर राज्यातील भाविक सुद्धा अंबाबाईच्या दर्शनाला येत असतात. त्यानुसार सकाळपासूनच मंदिराबाहेर भक्तांच्या रांगा लागल्या आहेत. दरम्यान, कोरोनाच्या पार्श्वभूमीवर अनेक निर्बंध ( Covid Restrictions Kolhapur ) घालण्यात आले आहेत. शिवाय प्रत्येक भक्तांना ई -पास ( Kolhapur Ambabai Darshan E Pass ) द्वारेच दर्शन दिले जात असून, सॅनिटायझरचा वापर करूनच मंदिरात सोडले जाते आहे. पहाटे 6 ते रात्री 9 या वेळेत अंबाबाई मंदिर सुरू राहणार आहे. त्यामुळे सकाळपासूनच भक्तांनी दर्शनासाठी रांगा लावल्या आहेत. दरम्यान, 10 वर्षांखालील मुलांना मंदिरात प्रवेश नाहीये. तरीही अनेक भाविकांनी मंदिरात लहान मुलांना घेऊन आल्याने सुरक्षा रक्षक आणि भाविकांमध्ये बाचाबाची होताना पाहायला मिळत आहे. त्यामुळे भक्तांनी सुद्धा नियमांचे पालन करावे असे आवाहन देवस्थान समितीचे सचिव शिवराज नायकवडे यांनी केले आहे.