मुंबई : प्रेम हा एक असा शब्द आहे, ज्याचे नाव घेताच वातावरण आल्हाददायक होते. प्रेमाची भावना मोठ्यात मोठी समस्या क्षणार्धात सोडवू शकते. हीर-रांझा, लैला-मजनू आणि असे किती प्रेमात पडले आणि किती उध्वस्त झाले, पण प्रेम सदैव जिवंत आहे. अशा परिस्थितीत प्रेमाचा सण म्हणा किंवा ऋतू म्हणा, सध्या व्हॅलेंटाईन वीक सुरू आहे आणि आज १४ फेब्रुवारी हा व्हॅलेंटाइन डे आहे. आज आम्ही काही सेलिब्रिटींच्या प्रेमकथा घेऊन आलो आहोत, ज्या वाचल्यानंतर तुम्हीही स्वत:ला प्रेमात पडण्यापासून रोखू शकणार नाही.
विक्रम बत्रा-डिंपल : कॅप्टन विक्रम बत्रा यांनी देशासाठी दिलेलले बलिदान कोण विसरू शकेल? एकवीस वर्षांपूर्वी 7 जुलै रोजी पाकिस्तानी लष्कराने त्यांना शेरशाह ही पदवी देऊन गौरवले होते. कारगिल वीर विक्रम बत्रा यांनी आपल्या साथिदाराचे प्राण वाचवताना स्वत:चा जीव दिला. त्यांच्या धैर्यामुळे आणि आत्मत्यागामुळे सैनिकांना प्रेरणा मिळाली. या धाडसी जवानाची प्रेमकथाही तेवढीच सुंदर आहे. त्याची डिंपलशी 1995 मध्ये पंजाब विद्यापीठात भेट झाली. 1999 मध्ये युद्ध सुरू होण्यापूर्वी दोघे इंग्रजीमध्ये एमए पदवीचे शिक्षण घेत होते, जिथे त्यांची मैत्री प्रेमात फुलली. 1996 मध्ये, विक्रम बत्राची इंडियन मिलिटरी अकादमीमध्ये निवड झाली आणि त्यांना डेहराडूनला जावे लागले. त्यांची मैत्रीण डिंपल चीमा हिला भीती होती की दुराव्यामुळे त्यांच्या नात्यात तडजोड होईल, पण बत्रा यांनी तिला लवकरच लग्न करणार असल्याचे वचन दिले. त्यांच्यावर चित्रित झालेल्या शेरशाह या चित्रपटात विक्रम ब्लेडने बोट कापून डिंपलचे कपाळ भरतो असे दाखविले आहे. मात्र दुर्दैवाने कॅप्टन विक्रम बत्रा यांनी 7 जुलै 1999 रोजी डिंपलला मागे सोडत जगाचा निरोप घेतला.
दिलीप कुमार-सायरा बानो : चित्रपट जगतातील प्रसिद्ध स्टार मोहम्मद युसूफ खान यांनी 1944 मध्ये हिंदी चित्रपटसृष्टीत पदार्पण केले तेव्हा त्यांना दिलीप कुमार हे नाव मिळाले. सायरा बानो त्यांच्यापेक्षा 22 वर्षांनी लहान होत्या. त्या दिलीप कुमारच्या खूप मोठ्या चाहत्या होत्या. 11 ऑक्टोबर 1966 रोजी दिलीप कुमार आणि सायरा बानो यांचा विवाह झाला तेव्हा सायरा बानो 22 वर्षांच्या होत्या, तर दिलीप कुमार 44 वर्षांचे होते. दिलीप कुमार आणि सायरा बानो आयुष्यभर एकत्र राहिले. विशेष म्हणजे त्यांचे वय त्यांच्या प्रेमाच्या आड कधीच आले नाही.
सचिन तेंडुलकर-अंजली : क्रिकेटचा देव म्हटला जाणाऱ्या सचिनला कोणत्याही परिचयाची गरज नाही. तर आज आम्ही तुम्हाला त्याच्या प्रेमकथेची ओळख करून देत आहोत. अंजली तेंडुलकर ही लोकप्रिय उद्योगपती अशोक मेहता यांची मुलगी आहे. मात्र, जेव्हा त्यांचे लग्न झाले तेव्हा त्यांच्याबद्दल कोणालाच काही माहीत नव्हते. सचिन आणि अंजलीची पहिली भेट मुंबईच्या आंतरराष्ट्रीय विमानतळावर झाली. सचिन क्रिकेट टूरवरून परत येत होता तर अंजली तिच्या आईला घेण्यासाठी विमानतळावर आली होती. सचिनला पाहताच अंजली पहिल्याच नजरेत त्याच्या प्रेमात पडली होती. विशेष म्हणजे अंजलीला क्रिकेटची फारशी माहिती नव्हती. जेव्हा त्यांनी डेटिंग करायला सुरुवात केली तेव्हा अंजलीने क्रिकेटबद्दल अधिक माहिती गोळा करायला सुरुवात केली. 5 वर्षे एकमेकांना डेट केल्यानंतर दोघांनी 24 मे 1995 रोजी लग्न केले. दोघांच्या वयात सहा वर्षांचे अंतर आहे. अंजली सचिनपेक्षा 6 वर्षांनी मोठी असून दोघांना दोन मुले आहेत.
सुधा मूर्ती आणि नारायण मूर्ती : नारायण मूर्ती यांनी लग्नानंतर इन्फोसिसची स्थापना केली. पतीच्या या यशामागे सुधाचा मोठा हातभार आहे. त्यांचे नाते सांगते की त्यांच्या प्रेमात प्रामाणिकपणा आणि खरी बांधिलकी आहे. नारायण एक लाजाळू आणि अंतर्मुख स्वभावाचे व्यक्ती होते, तर सुधा पूर्णपणे विरुद्ध, बहिर्मुख आणि स्पष्टवक्ती होती. त्यावेळी सुधा या टेल्को (आताची टाटा मोटर्स), पुणे येथे काम करत होत्या. प्रसन्ना या मित्राच्या माध्यमातून तिची नारायणशी ओळख झाली. एके दिवशी नारायणने सुधाला जेवायला बोलावले. सुधा एकटीच होती म्हणून आधी तिने नकार दिला पण नंतर तिने होकार दिला. त्यानंतर दोघे घट्ट मित्र झाले. त्यानंतर मूर्तीने सुधाला ती एक तेजस्वी, सुंदर आणि हुशार मुलगी आहे असे म्हणत प्रपोज केले. सुधाने मात्र प्रतिसाद दिला नाही आणि ती तिच्या घरी गेली. तिने तिच्या पालकांना ही गोष्ट सांगितली. मात्र, मूर्तीच्या नोकरीमुळे त्याच्या आई-वडिलांना सुरुवातीला ते पटले नाही. अखेर आई-वडिलांनी होकार दिला आणि दोघांनी लग्नगाठ बांधली. त्यांना रोहन नावाचा एक मुलगा आणि अक्षता ही मुलगी आहे.
बराक ओबामा-मिशेल : अमेरिकेच्या या 'पॉवर कपल'ने 1992 मध्ये लग्न केले. दोघांची प्रेमकथाही खूप सुंदर आहे. जवळपास दोन दशकांपूर्वी, मिशेल रॉबिन्सन बराक यांच्या सल्लागार म्हणून काम करत होत्या. ओबामा तेव्हा हार्वर्ड लॉमध्ये ग्रीष्मकालीन इंटर्न होते. प्रेमात पडलेल्या ओबामांनी गुडघे टेकवून मिशेल कडून हो म्हणवून घेतले. बराक ओबामा यांनी त्यांच्या दोन टर्मच्या अध्यक्षपदाच्या त्यांच्या शेवटच्या भाषणाच्या वेळी लग्न झाल्यामुळे त्यांना किती धन्य वाटते हे उघड केले होते.
मुकेश अंबानी - नीता अंबानी : नीता ही मुकेश अंबानींच्या आई-वडिलांची निवड होती. मुकेश अंबानींच्या आई-वडिलांना नीताचा भरतनाट्यम शो आवडला होता. त्यानंतर धीरूभाई अंबानींनी नीताला आपली सून बनवण्याचा निर्धार केला. मध्यमवर्गीय असणाऱ्या नीता आज धीरूभाई अंबानी इंटरनॅशनल स्कूलचे नेतृत्व करत असून कुटुंबाचे व्यवस्थापनही करत आहेत. त्यांना अनंत, आकाश आणि ईशा अशी तीन मुले आहेत.
ऋषी सुनक - अक्षता मूर्ती : ब्रिटनचे पंतप्रधान ऋषी सुनक आणि सुधा व नारायण मूर्ती यांची मुलगी अक्षता कॉलेजपासून एकमेकांना ओळखतात. स्टॅनफोर्ड विद्यापीठात एमबीएच्या अभ्यासादरम्यान अक्षता मूर्तीची ऋषी सुनकशी भेट झाली. सुनक तेव्हा प्रतिष्ठित ऑक्सफर्ड विद्यापीठात फुलब्राइट स्कॉलर होते. तेथे त्यांनी प्रथम श्रेणीची पदवी घेतली होती. दोघांचे एकमेकांवर प्रेम जडले आणि त्यानंतर त्यांनी कायमचे एकत्र राहण्याचा निर्णय घेतला. त्यांना कृष्णा आणि अनुष्का या दोन मुली आहेत.
राजीव गांधी - सोनिया गांधी : राजीव यांच्याची सोनियांची पहिली भेट ब्रिटनमधील केंब्रिज शाळेत झाली होती. सोनिया केंब्रिजमध्ये इंग्रजी शिकत होत्या तर राजीव युनिव्हर्सिटी कॉलेज ऑफ ट्रिनिटीमध्ये शिकत होता. एके दिवशी राजीव त्याच्या मित्रांसोबत केंब्रिज रेस्टॉरंटमध्ये गेला होते. तिथे त्याची नजर सोनियावर खिळली. राजीव गांधींनी सोनियाजवळ बसण्यासाठी रेस्टॉरंटमध्ये लाच दिली होती. जेव्हा राजीवने रेस्टॉरंटच्या मालकाला सोनियांच्या शेजारी सीट मागितली तेव्हा मालकाने त्यासाठी तुम्हाला दुप्पट पैसे द्यावे लागतील असे सांगितले. राजीव लगेच हो म्हणाला. यानंतर राजीवने कागदाच्या रुमालावर सोनियांसाठी कविता लिहून दारूच्या बाटलीसह सोनियांकडे पाठवली. सोनियानी पहिल्या नजरेतच राजीवच्या प्रेमात पडली होती. सोनियांचे वडील मात्र या लग्नासाठी तयार नव्हते. ते या नात्यावर खुश नव्हते. याचे कारण भारताची राजकीय परिस्थितीही होती. त्यानंतर राजीव सोनियांच्या घरी तिच्या वडिलांचा हात मागण्यासाठी गेले. सोनियांच्या वडिलांनी दोघांसमोर एक अट घातली की वर्षभर दोघेही कोणाला भेटले नाहीत तरच ते लग्न करण्यास राजी होतील. त्यानंतरही दोघांना एकमेकांशिवाय राहता येणार नाही असे वाटत असेल तर त्यांना लग्न करण्याची परवानगी दिली जाईल.
हेही वाचा : Pulwama attack : फक्त व्हॅलेंटाईन डेची आठवण ठेवू नका, याच दिवशी पुलावामामध्ये जवान झाले होते शहीद
