वाशिम- जिल्ह्यातील जऊळका रेल्वे येथील सुरज अवचार नावाच्या व्यक्तीने ग्रामपंचायत कार्यालया समोर अंगावर पेट्रोल ओतून आत्मदहन करण्याचा प्रयत्न केला. नाली व घरकुलचे काम रखडल्याची तक्रार देऊनही प्रशासनाच्यावतीने कोणतीही कारवाई करण्यात आली नसल्याने त्याने हे पाऊल उचलले.
जऊळका रेल्वे येथील युवकाने ग्रामपंचायत समोर आत्मदहनाचा प्रयत्न केला.
जऊळका रेल्वे येथील सुरज अवचार या व्यक्तीने त्याच्या घरासमोरील नाली आणि घरकुलाचे काम रखडल्याने याची तक्रार तहसीलदार, गट विकास अधिकारी व ग्रामसेवकांकडे केली होती. मात्र, या तक्रारीवर कोणतीच कारवाई करण्यात आली नसल्याचे पाहून आज सुरजने ग्रामपंचायत समोर अंगावर पेट्रोल ओतून आत्मदहनाचा प्रयत्न केला.
पोलिसांना या प्रकाराची माहिती मिळताच त्यांनी घटनास्थळावर जाऊन सुरज अवचारला ताब्यात घेतले. त्यानंतर गावातील अनेक लोक पोलीस ठाण्यात पाहोचले होते.
