वर्धा- सध्या दररोज पावसाचे सत्र सुरू असून मोठ्या प्रमाणात विजांचा कडकडाटही होत आहे. अशातच विजांचा कडकडाट सुरू असताना मोबाईलचा उपयोग टाळावा, असे सांगितले जाते. सेलू तालुक्यातील वडगाव येथे मोबाईलचा उपयोग करत असताना अचानक वीज पडली आणि शेतकऱ्याच्या जीवावर बेतले. संतोष बोबडे, असे मृत शेतकऱ्याचे नाव आहे.
हेही वाचा- भाजपच्या दबावाला बळी पडणार नाही, हजारो कार्यकर्ते तुरुंगात जायला तयार - नवाब मलिक
जिल्ह्यात अनेक भागात विजेच्या तांडवासह पावसाने दमदार हजेरी लावली. संतोष बोबडे यांच्या शेतात बुधवारी कामासाठी दोन मजूर होते. यावेळी दुपारी ढग दाटून आले. यावेळी शेतात 10 ते 12 मजूर असून यात महिलांचाही समावेश होता. विजेचा कडकडाटासह पावसाला सुरुवात झाली. पावसापासून संरक्षण व्हावे म्हणून शेतातील कडुलिंबाच्या झाडा खाली जाऊन शेतकऱ्यांनी आसरा घेतला. यावेळी सुभाष बोबडे यांच्यासह अशोक उईके (40) आणि बाबूलाल भालावी (35) हे दोघेही उभे होते. एवढ्यात संतोष बोबडे हे मोबाईल पावसात भिजला की नाही पाहत असताना त्यांच्या वीज अंगावर पडली. यामध्ये त्यांचा जागीच मृत्यू झाला, तर दोघे जखमी झाले. यामुळे मोबाईल वापरणे संतोष बोबडे यांचा जीवावर बेतले.
हेही वाचा- बालाकोटमधील दहशतवादी सक्रिय; मात्र, त्यांना तोंड देण्यास लष्कर समर्थ - राजनाथ सिंह
बाबूलाल भालावी यांच्यावर उपचार सुरू आहेत. प्रकृती गंभीर असल्याने त्यांना सेवाग्राम रुग्णालयात हलवण्यात आले. अशोक उईके हे यात बचावले असून त्यांना किरकोळ स्वरुपात दुखापत झाली. सेलू पोलिसात घटनेची नोंद झाली असून महसूल प्रश्नासनाकडूनही घटनेचा पंचनामा करण्यात आला.
विजांचा कडकडाट होत असतानाच मोबाईलचा वापर करू नसे, असे तज्ज्ञांनाकडून सांगितले जाते. तसेच विजेचा कडकडाट सुरू असताना झाडांचा आसरा घेऊ नये, असे सांगितले जाते. मात्र, याबाबत कोणीही सतर्कता घेत नाही. यामुळेच याचा गंभीर परिणाम अनेकांच्या जीवावर बेततो.
