वर्धा - मध्यप्रदेशातील ईगल कंपनीने बाजारात विकलेले बियाणे उगवले नसल्याने पंचायत समितीच्या कृषी अधिकाऱ्यांच्या तक्रारीवरून गुन्हा दाखल झाला आहे. हिंगणघाट येथील पंचायत समितीच्या कृषी अधिकाऱ्याच्या चौकशीत बियाणे कंपनीने सांगितलेल्या उगवन क्षमतेपेक्षा कमी उगवण झाल्याने तक्रार देण्यात आली. विशेष म्हणजे यंदाच्या हंगामातील गुन्हा दाखल होण्याची पहलीच वेळ आहे. यात शीतल विठ्ठल चौधरी, असे नुकसान झालेल्या शेतकऱ्याचे नाव आहे.
माहिती देताना पोलीस उपनिरीक्षक ईगल कंपनीची बियाणे चौकशीत निकृष्ट असल्याचे आले पुढे
शीतल चौधरी यांच्या सारखे अनेक शेतकऱ्यांच्या शेतात ईगल कंपनीचे सोयाबीन लागवड झाली आहे. यात साधारण उगवन क्षमता ही 65 टक्के दाखवलेली असते. पण, प्रत्यक्ष तपासणी केली असता यात 13 टक्के उगवम क्षमता असल्याचे चौकशीत निष्पन्न झाले. हे बियाणे निकृष्ट दर्जाचे असल्याचे पुढे आले. यामुळे जिल्ह्यातील हजारो हेक्टरवरील शेतकऱ्यांंचे नुकसान झाले आहे. या सर्व शेतकऱ्यांना कंपनीने आर्थिक नुकसान भरपाई देऊन मदत करण्याची मागणी केली जात आहे. शिवाय अशा पद्धतीने शेतकऱ्यांची फसवणूक करणाऱ्या कंपन्यावर कठोर कारवाईची मागणी केली जात आहे.
हेही वाचा - वर्ध्यातील वीज वितरण विभागातील 3 कर्मचाऱ्यांना कोरोनाची लागण
