सामाजिक कार्यकर्ते चंद्रहास तावडे यांची कोरोनावर मात

कोरोना काळात स्वतःच्या जीवाची पर्वा न करता स्वतःला जनसेवेस झोकून देऊन ठाण्यातील श्रीरंग, वृंदावन, ऋतु पार्क, आनंद पार्क परिसर आणि ठाणेकरांसाठी लढणारे योद्धा, ज्येष्ठ समाजसेवक चंद्रहास तावडे यांनी कोरोनावर मात केली आहे. शनिवारी त्याना खासगी रुग्णालयातून सोडण्यात आले असून कोरोनाच्या विरोधात त्यांनी प्रखर संघर्ष केला आहे.

ठाणे - कोरोना काळात स्वतःच्या जीवाची पर्वा न करता स्वतःला जनसेवेस झोकून देऊन ठाण्यातील श्रीरंग, वृंदावन, ऋतु पार्क, आनंद पार्क परिसर आणि ठाणेकरांसाठी लढणारे योद्धा, ज्येष्ठ समाजसेवक चंद्रहास तावडे यांनी कोरोनावर मात केली आहे. शनिवारी त्याना खासगी रुग्णालयातून सोडण्यात आले असून कोरोनाच्या विरोधात त्यांनी प्रखर संघर्ष केला आहे.

गेल्या वर्षभरात सामाजिक कार्यकर्ते चंद्रहास तावडे हे कोरोना काळात विभागातील नागरिकांची सेवा केली. ज्या रुग्णांना बेड, इंजेक्शन, ऑक्सिजन हवे त्यांना मिळवून दिला, मात्र गेल्या दोन आठवड्यापासून त्याची तब्बेत खालावत गेली होती, त्यांना त्वरीत ठाण्यातील खासगी रुग्णालयात दाखल करण्यात आल्यानंतर त्यांची कोरोना चाचणी पोसिटीव्ह आली होती. तावडे यांची कोरोना चाचणी पोसिटीव्ह आल्यापासून रुग्णालयात उपचार घेत असताना, अतिशय चिंताजनक व गंभीर परिस्थितीतून संघर्ष करत आपल्या आत्मविश्वास, लढवय्या वृत्तीच्या जोरावर तब्बल २१ दिवस कोरोनाशी दोन हात करून चंद्रहास तावडे यांनी यशस्वीरित्या कोरोनावर मात करून सुखरूप घर वापसी झाली आहे. भीती मोठी होती...

तावडे यांच्यावर कोरोना उपचार सुरू असताना 10 रेमडिसीवर इंजेक्शन देण्यात आले असल्याचे यावेळी डॉक्टरांनी सांगितले. शुक्रवारी चंद्रहास तावडे यांची पुन्हा कोरोना चाचणी निगेटीव्ह आली. त्यानंतर शनिवारी त्यांना रुग्णालयातून घरी सोडण्यात आले. वृंदावन सोसायटीच्या परिसरातील असलेल्या हनुमान मंदिरात जाऊन त्यांनी दर्शन घेतले. तसेच तब्बल 21 दिवसांनी घरी परतल्याने स्थानिक नागरिकांनी नियमाचे पालन करत तावडे यांच्यावर पुष्पवृष्टीचा वर्षांव करून त्याचे स्वागत केले.