पंढरपूर ( सोलापूर) - महाराष्ट्र राज्य विद्युत वितरण कंपनीच्या निंबोणी येथील 33 के.व्ही उपकेंद्रांत बसविण्यात आलेल्या सौरऊर्जेवरील प्रकल्पास अचानक विजेच्या शॉर्टसर्किटने आग लागली. यामध्ये कोट्यवधी रुपयांचे नुकसान झाल्याचा प्राथमिक अंदाज आहे. कार्यालयातील बहुतांश कर्मचारी दिवाळी सुट्टीवर गेले होते. उपस्थित असलेल्या कर्मचाऱ्यांनी आपला जीव धोक्यात घालून ही आग आटोक्यात आणण्याचा प्रयत्न केला. परंतु त्यांना म्हणावे तितके यश आलेले नाही.
आगीने भीषण रूप घेतले होते. त्यानंतर साडेचार वाजता अग्निशामक दलाच्या गाड्या घटनास्थळी पोहचल्या असून आग नियंत्रणात आणण्यात आली.
मुख्यमंत्री सौर कृषी वाहिनी योजनेतून हा प्रकल्प उभा करण्यात आला-
सोलर पॉवर जनरेटिंग सिस्टीम यांच्या अखत्यारीत मुख्यमंत्री सौर कृषी वाहिनी योजनेतून हा प्रकल्प उभा करण्यात आला आहे. 657.2 केडब्ल्यूपी क्षमतेच्या महावितरण कंपनीच्या निंबोणी येथील शाखा कार्यालयाच्या शेजारी 33 केव्ही उपकेंद्राच्या बाजूला रिकाम्या जागेत हा प्रकल्प आहे. या प्रकल्पात तयार होणारी वीज तिथेच 33 केव्ही उपकेंद्रांत पुरवठा केला जात आहे.
बहुतांश कर्मचारी दिवाळी सुट्टीवर-
प्रकल्पास दुपारी तीनच्या दरम्यान शॉर्टसर्किटमुळे अचानक आग लागली. आग विझविण्यासाठी महावितरणच्या कार्यालयात आवश्‍यक तितक्‍या प्रमाणात अग्निशामक यंत्रणा उपलब्ध नाही. शिवाय, इतर ठिकाणी असलेली अग्निशामक यंत्रणा उपलब्ध झाली नाही. तसेच या कार्यालयात असलेल्या कर्मचाऱ्यांतील बहुतांश कर्मचारी दिवाळी सुट्टीवर गेले होते.
उपस्थित असलेल्या कर्मचाऱ्यांनी आपला जीव धोक्यात घालून ही आग आटोक्यात आणण्याचा प्रयत्न केला. परंतु त्यांना म्हणावे तितके यश आलेले नाही. त्यामुळे सौर प्रकल्पातील महत्त्वाची सामग्री या आगीत राख झाली. यात सौर प्रकल्पाचे मोठे नुकसान झाले आहे. पंचनाम्यातून नेमके किती रुपयांचे नुकसान झाले, हे स्पष्ट होणार आहे.
हेही वाचा- जळगावात पत्नीच्या मृत्यूनंतर तरुणाची रेल्वेखाली आत्महत्या, फेसबुक लाईव्ह करुन घेतला सर्वांचा निरोप
हेही वाचा- 'जैश'च्या दोन संशयित दहशतवाद्यांना अटक; दिल्ली पोलिसांच्या विशेष पथकाची कारवाई
