देवा माझा विठू सावळा...अनुराधा पौडवालांचा आषाढीनिमित स्वरसाज

अनुराधा पौडवाल यांनी विठ्ठल आणि पंढरपूरवर अनेक गीते गायली आहेत. त्यामुळेच त्या दरवर्षी आषाढी एकादशीला पंढरपूरच्या विठ्ठल मंदिरात उपस्थित राहतात आणि गीतांच्या माध्यमातून सेवा बजावतात.

सोलापूर - आषाढी वारीनिमित्त सर्वत्र उत्साहाचे वातावरण असून प्रसिद्ध गायिका अनुराधा पौडवाल यांनी पंढरपूरच्या विठ्ठलाच्या चरणी आपली गाणसेवा अर्पण केली. यावेळी त्यांनी देव माझा विठू सावळा हे भक्तिगीत सादर केले.

आपल्या भाव आणि भक्ती गीतांमधून मराठी मनावर अनुराधा पौडवाल यांनी अधिराज्य गाजवले. त्यात मोठा वाटा पंढरी आणि पांडुरंगाच्या गीतांचा समावेश आहे. त्यामुळे त्या दरवर्षी आषाढी एकादशीला पांडुरंगाच्या मंदिरात आपली सेवा बजावत आहेत.

अनुराधा पौडवाल यांच्या मंजुळ स्वरांनी विठ्ठल-रुक्मिणी मंदिरातील भाविकाभक्तांना आणि वारकऱ्यांना मंत्रमुग्ध केले.

दरम्यान, मुख्यमंत्री देवेंद्र फडणवीस यांच्या हस्ते विठ्ठलाची शासकीय महापूजा करण्यात आली. विठ्ठलाच्या चरणी लीन होण्यासाठी यंदा तब्बल 15 लाख वारकरी पंढरपूरमध्ये दाखल झाले. वारकरी रांगेत उभे राहून पांडुरंगाचे दर्शन घेत आहेत.