रत्नागिरी- संगमेश्वर तालुक्यातील किरडुवे गावात आज (शुक्रवारी) संध्याकाळी विहिरीत बुडून 2 जणांचा मृत्यू झाला आहे. हे दोघे जण विहिरीत पोहण्यासाठी गेले असताना ही घटना घडली.
हेही वाचा - भोपाळ बोट दुर्घटनेत ११ जणांचा मृत्यू, पाहा बोट बुडतानाचा लाईव्ह व्हिडिओ
स्वप्निल अनंत पांचाळ (34) व संजय काशीराम बाईत (40) अशी मृतांची नावे आहेत. हे दोघे आज संध्याकाळी विहिरीत पोहण्यासाठी गेले. यावेळी स्वप्निल विहिरीत उतरल्यानंतर तो पाण्यातून वर आला नाही म्हणून संजयने त्याचा शोध घेण्यासाठी पाण्यात उडी मारली. मात्र, ते दोघेही बुडाले. या घटनेमुळे संपूर्ण गावावर शोककळा पसरली आहे.
