रत्नागिरी - अजित पवार हे एक भावनाप्रधान व्यक्तिमत्त्व आहे. अनेकांनी अजित पवारांची जी प्रतिमा कठोर पद्धतीची निर्माण केली, तशी वस्तुस्थिती नाही. प्रत्येक माणसाला मन आहे, संवेदना आहेत. वय वर्षे 80 असताना आज शरद पवार यांचे नाव शिखर बँक प्रकरणात आले आहे. त्यामुळे अजित पवारांनी राजीनामा दिला, असे मत खासदार सुनील तटकरे यांनी व्यक्त केले.
तर राज्यातील चित्र आता बदलत आहे. 'लोकांनी आता ठरवलयं' अशा शेलक्या शब्दात सुनिल तटकरे यांनी सरकारवर घणाघात केला आहे. शिखर बँक घोटाळ्याप्रकरणी शरद पवार यांच्यावर गुन्हा दाखल झाल्यानंतर, सरकार कशा पद्धतीने आकसाने वागत आहे. हे महाराष्ट्राच्या जनतेला समजले आहे, असे मत तटकरे यांनी व्यक्त केले.
हेही वाचा - रत्नागिरीत रेकॉर्डब्रेक पाऊस! मोडला २०११ चा विक्रम
दैवताला झालेल्या त्रासानंतरच अजित पवार यांचा हा मनातील कडेलोट होता, असे सांगत राज्याचे वातावरण बदलत आहे, असे संकेत मिळत असल्याची खात्री तटकरे यांनी व्यक्त केली. तर संजय राऊत आणि शरद पवार यांच्यातील भेट ही सदिच्छा भेट असल्याचे सांगत यावर राजकीय भाष्य करणे त्यांनी टाळले.
हेही वाचा - रत्नागिरीत अपघातात वडिलांसह चिमुरडीचा मृत्यू
