रत्नागिरी- शिवसेना आणि भाजपमध्ये सत्ता स्थापनेसाठी संघर्ष सुरू आहे. त्यात आता सेनेच्या बालेकिल्यात भाजपने पोस्टर्स वाॅर सुरू केले आहे. सेनेचा बालेकिल्ला म्हणून ओळखल्या जाणाऱ्या रत्नागिरी जिल्ह्यातील राजापूर शहरात भाजपने 'देवेंद्र फडणवीसच होणार मुख्यमंत्री' अशी पोस्टर्स झळकवली आहेत. त्यामुळे चर्चांना उधाण आले आहे.
हेही वाचा- देशाच्या उत्पादन क्षेत्रात मंदावली हालचाल; गेल्या दोन वर्षात 'पीएमआय'ने नोंदविला निचांक
मुख्यमंत्री कोण होणार? यावरून सध्या शिवसेना-भाजपमध्ये संघर्ष सुरू आहे. मात्र, शिवसेनेच्या बालेकिल्ल्यात भाजपने बॅनरच्या माध्यमातून आव्हान दिले आहे. मुख्यमंत्री पुन्हा देवेंद्र फडणवीसच होणार, असे पोस्टर्स राजापूरमध्ये भाजपकडून लावण्यात आले आहेत. भाजप नेत्यांच्या फोटोसह भाजपचे रत्नागिरी जिल्हाध्यक्ष अ‌ॅड. दीपक पटवर्धन, राजापूर तालुकाप्रमुख शशिकांत गुरव यांचे फोटो आहेत. राजापूर शहरात हे पोस्टर्स लावण्यात आले आहेत. राजापूरमध्ये सध्या रिफानयरीचा मुद्दा गरम असताना या बॅनर्सने सेनेला एक प्रकारे अल्टीमेटम दिलेले पाहायला मिळत आहे. राजापूर शहरातील मुख्य रस्त्यांवर हे बॅनर्स भाजपने झळकवून सेनेला डिवचण्याचा प्रयत्न केल्याचे दिसत आहे.
