पुणे - नाशिक महामार्गालगत असणाऱ्या प्राचीन कालीन कार्तिकस्वामी मंदिर आणि सिद्धेश्वर मंदिर परिसरात पणत्यांनी रांगोळी काढत विविध आकार साकारण्यात आले. त्रिपुरारी पोर्णिमेनिमित्त ही रोषणाई करण्यात आली होती. मंगळवार दुपारपासून हा सोहळा सुरु होता. यामध्ये राजगुरुनगर शहरातील नागरिकांनी उत्साहात सहभाग नोंदवला.
त्रिपुरारी पौर्णिमेनिमित्त राजगुरुनगर येथील सिद्धेश्वर अन् कार्तिकस्वामी मंदिरात लक्षणीय दिपोत्सव
हेही वाचा - भीमाशंकर येथे त्रिपुरारी पौर्णिमेनिमित्त भव्य दिपोत्सव
राजगुरुनगर शहरातील सिद्धेश्वर मंदीर परिसरात विविध देवदेवतांची मंदिरे आणि एक प्राचीन कुंड आहे. त्रिपुरारी पौर्णिमेनिमित्त मंदिर परिसर, पाण्याचा कुंड, पायऱ्या अशा विविध ठिकाणी दिव्यांचा लखलखाट करण्यात आला होता. त्रिपुरारी पोर्णिमेच्या दिवशी ग्रामदैवतांची पुजा करुन परिसर रोषणाईने सजवला जातो. दरवर्षी शिवमंदिर आणि कार्तिकस्वामी मंदिरात मोठा दिपोत्सव साजरा केला जातो.
