पुणे - गेल्या ५ वर्षात या तालुक्यातील गुंडगिरी मी बंद करून टाकली आहे. तुम्हाला विकास पाहायचा असेल तर माझ्याकडे पाहा अन गुंडगिरी पाहायची असेल तर त्यांच्याकडे पाहा, असे म्हणत शिवसेनेचे उमेदवार सुरेश गोरेंनी राष्ट्रवादीचे उमेदवार दिलीप मोहितेंवर निशाणा साधला. राजगुरुनगर येथील आयोजित कार्यकर्ता मेळाव्यात गोरे बोलत होते.
माजी आमदार दिलीप मोहितेंनी २ दिवसांपूर्वी केलेल्या टीकेला आमदार गोरेंनी सनसनाटी उत्तर दिले. त्यांनी माझ्यावर टीका केली 'मुछ नही तो कुछ नही' मग तुम्हाला मुछ आहे तर काहीच का नाही, असेही गोरे म्हणाले. तुम्ही जेवढं खालच्या पातळीवर जाल त्यापेक्षाही जास्त खालच्या पातळीवर जाण्याची माझी तयारी असल्याचे गोरे म्हणाले.
खेड तालुक्यात तिरंगी लढत होत असताना युती व आघाडीने उमेदवार जाहीर केले आहेत. या मतदारसंघात भाजपचे जिल्हा परिषद सदस्य अतुल देशमुख यांनी शक्तिप्रदर्शन करत बंडोखोरी केली आहे. त्यामुळे तिरंगी लढत पाहायला मिळणार आहे.
हेही वाचा - मुख्यमंत्र्यांकडे 10 कोटींची संपत्ती, 2014 च्या तुलनेत दुप्पटीने वाढ
हेही वाचा - जनशक्ती विरुद्ध धनशक्तीची लढाई, आशिर्वाद देण्याचे संदीप क्षीरसागरांचे आवाहन
राष्ट्रवादी काँग्रेसचा उमेदवार तुरुंगात जाणार...
राष्ट्रवादी कॉग्रेसचे उमेदवार म्हणतात माझी ही शेवटी निवडणूक आहे. ते असं म्हणतात याचा अर्थ त्यांनी पुढील काळात वनवास स्वीकारला आहे. पुढे त्यांना तुरुंगात जायचं असल्याचे संकेत शिवसेनेचे उमेदवार सुरेश गोरेंना दिले आहेत. चाकण मराठा आंदोलनाचे मुख्य सुत्रधार म्हणून राष्ट्रवादी काँग्रेसचे माजी आमदार व आघाडी उमेदवार दिलीप मोहिते-पाटलांवर गुन्हा दाखल झाला आहे. मात्र, त्यांना याप्रकरणी उच्च न्यायालयातून काहीच दिवसांपूर्वी जामीन मंजूर झाला आहे.
