पुणे - जुन्नर तालुक्यातील आदिवासी डोंगराळ भागात शिक्षणाचे धडे देणाऱ्या शिक्षकाने डोंगराळ भागातील पाऊसाच्या वातावरणावर तयार केलेली "खेळू करू शिकू" कविता दुसरीच्या अभ्यासक्रमात समाविष्ट करण्यात आली आहे. पुणे जिल्हातील जुन्नर तालुक्यात करंजाळे या गावात शिक्षणाचे धडे देणारा उत्तम सदाकाळ गुरुजी कवी म्हणुन वारसा असणारे आहेत. डोंगराळ आदिवासी भागातील वातावरण, वातावरणातील बदल, पावसाच्या सरी असे मन प्रसन्न करुन मनाला गारवा देणारे शब्द सदाकाळ गुरुंजीनी एक वटुन कविता केली आहे. ही कविता मुलांच्या मनावर राज्य करत आहे.
ग्रामिण भागातुन शिक्षणाचा प्रवास करत असताना अडचणी, अपार कष्टाचा असाच असतो. येथे सर्व सुखसुविधा उपलब्ध होत नाहीत. मात्र, शिक्षणाची जिद्द व चिकाटी ही मनात ठेवुन शिक्षणाचा पाया भक्कम करण्याचा प्रयत्न करण्याची गरज असते. या कवीतेच्या माध्यमातून मुलांना काही तरी वेगळं देण्याचा प्रयत्न केला असुन आता मी तयार केलेली कविताच मीच मुलांना शिकवणार असल्याचा एक वेगळा अनुभव मिळत असल्याचे ही उत्तम सदाकाळ यांनी सांगितले. अत्यंत हालाकीच्या परिस्थितीत घरात कुणीच शिकलेले नव्हते. सर्व अशिक्षीत होते त्यामुळे माझ्यात शिक्षणाची उणीव राहिली ती उणीव भरुण करण्याचा प्रयत्न करत आहे.
बालभारतीने "पाऊस" या कवितेचा इयत्ता दुसरीच्या अभ्यासक्रमात "खेळू करू शिकू" पाठयपुस्तकात समावेश केला आहे. मराठी माध्यमाबरोबर ही कविता हिंदी, इंग्रजी, उर्दू , गुजराती, कन्नड, सिंधी, तेलगू अशा आठ माध्यमाच्या पाठयपुस्तकात असणार आहे. शालेय अभ्यासक्रमात ग्रामिण भागातील भावना व्यक्त करणारी कविता पाठयपुस्तकात आली याचा आनंद सहकारी शिक्षकांनाही झाला आहे.
शाळकरी जीवनात गुरु शिष्याचे नाते अगदी वेगळे असते याच नात्याला अजुन घट्ट करणारी ही कविता प्रत्येक मुलाच्या मनावर राज्य करणार आहे. त्यामुळे आपल्या शाळेतील शिक्षकाने ही कविता तयार केली याचा अभिमान सहकारी शिक्षकांना आहे. उद्याचं भविष्य घडविणाऱया मुलांना या कवितेतुन दिलेले संदेश चिमुकल्या मुलांना एक नवी दिशा देणार हे मात्र नक्की.
