पुणे - बारा ज्योतिर्लिंगापैकी एक असलेल्या भिमाशंकर येथे महाशिवरात्रीनिमित्त रात्री बारा वाजता शासकीय महापूजा करण्यात आली. यावेळी शिवलिंगाला अभिषेक करण्यात आला. कामगार व उत्पादन शुल्क मंत्री दिलीप वळसे पाटील, माजी खासदार राजू शेट्टी, आमदार दिलीप मोहिते, देवस्थानचे अध्यक्ष सुरेश चौधरी यांच्या उपस्थितीत हा सोहळा पार पडला.
भिमाशंकर चरणी महाशिवरात्री निमित्त शासकीय महापुजा संपन्न
महाशिवरात्रीनिमित्त भिमाशंकर चरणी महाभिषेक झाल्यानंतर भाविकांसाठी मंदिर खुले करण्यात आले. हर हर महादेव, जय जय भोलेनाथच्या जयघोषाने भीमाशंकर परिसर दणाणून गेला. भिमाशंकर परिसरात देशभरातून अनेक भाविक मोठ्या संख्येने आले आहेत. रात्रीपासूनच दर्शनासाठी लांबच लांब रांगा लागल्या आहेत.
