पुणे - नाशिक महामार्गावर राजगुरुनगर जवळ पानमळा येथे अज्ञात वाहनाच्या धडकेने बिबट्याचा अपघाती मृत्यु झाला. ही घटना आज रात्रीच्या सुमारास घडली असून वनविभागाचे कर्मचारी घटनास्थळी दाखल झाले. त्यानंतर त्यांनी बिबट्याची तपासणी करून मृत घोषित केले आहे. शवच्छेदन करुन उद्या (20मार्च) सकाळी अंत्यसंस्कार करण्यात येणार आहे.
पुणे-नाशिक महामार्गावर बिबट्याचा अपघाती मृत्यू
राजगुरुनगर शहराजवळ बिबट्याचा वावर दिवसेंदिवस वाढत आहे. आज संध्याकाळच्या सुमारास हा बिबट्या शिकारी मागे धावत होता. पानमळा येथे पुणे-नाशिक महामार्गावर रस्ता पार करत असताना अज्ञात अवजड वाहनाची धडक लागून बिबट्याचा जागीच मृत्यू झाला.
