पुणे - पिंपरी-चिंचवड आणि पुणे परिसरात घरफोड्या करणाऱ्या तीन जणांच्या टोळीच्या हिंजवडी पोलिसांनी मुसक्या आवळल्या आहेत. नारायण जालिंदर कानडे (वय २१), रोहित शिंदे, प्रसाद शिंदे अशी घरफोड्या करणाऱ्या टोळीतील सदस्यांची नावे आहेत. त्यांच्याकडून 2 लाख 25 हजारांचा घरफोडीतील ऐवज हस्तगत करण्यात आला आहे. त्यांच्याकडून एकून १२ गुन्ह्याची उकल करण्यात आली आहे.
पोलिसांनी दिलेल्या माहितीनुसार, घरफोडी करणारा सराईत गुन्हेगार नारायण जालिंदर कानडे याला हिंजवडी पोलिसांनी अटक केली आहे. त्याच्याकडे अधिक चौकशी केली. त्याने बेंगलोर-मुंबई मार्गावरील टॉयेटो शोरुम, ऑडी शोरुम, मारुती सुझुकी शोरुम, अशा १२ ठिकाणी त्याने व साथीदार प्रसाद शिंदे, निखिल थोरात, रोहित शिंदे, किरण बोत्रे, इम्रान सय्यद यांनी चोरी केल्याची कबुली दिली. पैकी, आरोपी रोहित आणि प्रसाद यांना अटक करुन त्यांच्याकडून घरफोडीतील चोरीचे २ लाख २५ हजार २०० रुपयांचा मुद्देमाल हस्तगत करण्यात आला आहे. हिंजवडी, पौड, सिंहगड, चंदननगर, भारती विद्यापीठ, लोणीकंद, या पोलीस ठाण्याच्या परिसरात आरोपीनी घरफोड्या केल्या आहेत.
सदरची कारवाई वरिष्ठ पोलीस निरीक्षक यशवंत गवारी, गुन्हे पोलीस निरीक्षक अजय जोगदंड, पोलीस उपनिरीक्षक गिझे, वरुडे, महेश वायबसे, पोलीस कर्मचारी बाळकृष्ण शिंदे, किरण पवार, नितीन पराळे, अतिक शेख, कुणाल शिंदे, विवेक गायकवाड, हनुमंत कुंभार, रितेश कोळी, आकाश पांढरे, विकी कदम यांनी केली आहे.
