पुणे: पुण्यामध्ये एका इलेक्ट्रॉनिक्स दुकानाला लागलेल्या आगेमध्ये प्रचंड नुकसान झालेला आहे. त्यानंतर ही आग साधारण असल्याचे समजले होते. पुण्यात सहकारनगर मध्ये, शनिवारी रात्री इलेक्ट्रॅानिक्स दुकानात झालेल्या स्फोट झाला होता. टीव्हीचा स्फोट होऊन एक जण गंभीर जखमी झाला होता. मात्र स्फोटांत झालेल नुकसान पाहता तपास यंत्रणांना संशय आल्याने एटीएसचा तपास सुरू केला आहे.सोमवारी पहाटे तीन वाजता हा स्फ़ोट झाला होता.
एटीएस कडून चौकशी सुरू: पुण्यातील सहकार नगरमध्ये एका दुकानाला भीषण आग लागली होती. यामध्ये दुकानातील इलेक्ट्रॉनिक वस्तूचे प्रचंड प्रमाणामध्ये नुकसान झाले असून त्या जळून खाक झाल्या होत्या. त्यामुळे या दुकान मालकांचे सर्व दुकानच जळून गेल्याची स्थिती निर्माण झाली होती. या भीषण आगीमध्ये एक जण गंभीर जखमी झाला होता. त्याप्रमाणे ही सर्वसामान्य आग आहे असा आपल्याला वाटेल. परंतु या आगीची गंभीरता लक्षात घेता एटीएस कडून याची चौकशी सुरू करण्यात आलेली आहे. त्यामुळे पुण्यात कुठली घातपाताची शक्यता होती का याचा सुद्धा शोध आता घेत आहे.
स्फोटाचे एटीएसकडून तपास: खरंतर पुणे पोलिसांकडून दोन दिवसापूर्वीच एक अलर्ट जारी करण्यात आला होता. त्यामध्ये कुठलीही हत्यारे घेऊन जाणे, जमावबंदी करणे, वेपन्स वापरणे यासाठी बंदी घालण्यात आली होती. त्यामुळे पुणे पोलिसांकडे काही इनपुट्स आले होते का, अशी चर्चा सुद्धा पुण्यात होत असतानाच त्या स्फोटाचे एटीएसकडून तपासण्याचे काम आता दहशतवादी विरोधी पथक करत आहे. पीएफआय संघटनेवर गेल्या काही दिवसापासून पुण्यात विविध कारवाया करण्यात आलेले आहेत. या संघटनेचा स्फोटाशी काही संबंध आहे का, याची शक्यता एटीएस कडून तपासण्यात येत आहे. साधारणपणे जो स्फोट झाला त्याची जी पद्धत आहे. अशीच पद्धत दहशतवादी लोक वापरत असल्याची एटीएस पथकाला संशय आहे. त्यामुळे आता हा तपास यापुढे सुरू करण्यात आला आहे.
हेही वाचा: Income Tax Department Raid पुण्यात ३ बांधकाम व्यावसायिकांवर आयकर विभागाची छापेमारी
