विरार (पालघर) - वसई-विरारमध्ये रिसॉर्टमध्ये बारबालांचा छमछम नाच सुरू असल्याचा धक्कादायक प्रकार उघडकीस आला आहे. विरार पोलीस ठाणे हद्दीतील मांडवी परिसरातील चांदीप येथील मॉस या रिसॉर्ट-बारवर गुरुवारी (5 ऑगस्ट) रात्री बारबालांचा छम-छम डान्स सुरू असल्याची माहिती विरार पोलिसांना मिळाली.
या माहितीच्या आधारे पोलिसांनी रिसाॅर्टवर छापा टाकला. यावेळी बारबालांचा छमछम नाच होत असल्याचे पोलिसांच्या निदर्शनास आले. यानंतर पोलिसांनी 15 ग्राहकांवर कारवाई केली. शिवाय त्यांना अटकही करण्यात आली.
16 बारबाला ताब्यात
पोलिसांनी मॉस रिसॉर्ट-बारवर छापा टाकला. येथे काही बारबालाही नाचत असल्याचे दिसले. त्यामुळे जवळपास 16 बारबालांना पोलिसांनी ताब्यात घेतले. दरम्यान, आज (6 ऑगस्ट) या सर्व आरोपींना वसई सत्र न्यायालयात हजर करण्यात आले.
हेही वाचा - पारोळ्यात घराच्या गच्चीवर आढळले मृत नवजात अर्भक; कंबरेखालच्या भागाचे लचके तोडलेले
