नाशिक - येवला तालुक्यातील गणेशपूर येथे जमिनीच्या वादातून काकाने पुतण्यावर गोळीबार केला असून यात पुतण्या गंभीर जखमी झाला आहे. परशुराम थोरात असे गंभीर जखमी झालेल्या पुतण्याचे नाव आहे.
परशुराम याच्यावर येवला येथील शासकीय रुग्णालयात प्राथमिक उपचार केल्यानंतर पुढील उपचारासाठी नाशिकला हलविण्यात आले आहे. संशयित आरोपी काका हे माजी सैनिक असून भीमराज थोरात, असे त्यांचे नाव आहे. याप्रकरणी भीजराज थोरात यास पोलिसांनी ताब्यात घेतले असून येवला तालुका पोलीस ठाण्यात गुन्हा दाखल झाला असून अधिक तपास पोलीस करत आहेत.हेही वाचा - नाशिकमध्ये स्कूल व्हॅनला अपघात; 10 विद्यार्थी जखमी
