नाशिक - औरंगाबाद शहराचे नामांतर करून या शहराला संभाजीनगर हे नाव द्यावे, या मागणीसाठी महाराष्ट्र नवनिर्माण सेना पुढे आली आहे. रविवारी (दि. 3 जाने.) नाशिकमध्ये एस.टी.बसवर छत्रपती संभाजीनगर, असे फलक लावत मनसेने आंदोलन केले. 26 जानेवारीपर्यंत औरंगाबाद शहराचे नाव छत्रपती संभाजीनगर, करा अशी मागणी राज्य सरकारला देण्यात आला आहे.
तत्कालीन नगरसेवकाने नामांतराविरोधात सर्वोच्च न्यायालयात दाखल केली होती याचिका
शिवसेनाप्रमुख बाळासाहेब ठाकरे यांनी 1988 साली औरंगाबाद येथील सांस्कृतिक मंडळाच्या मैदानावर विजयी सभेत बोलतांना शहराचे नाव औरंगाबाद ऐवजी संभाजीनगर ठेवत असल्याची घोषणा केली होती. जून 1995 मध्ये औरंगाबाद महापालिकेत छत्रपती संभाजीनगर, असे नामकरण करण्याच्या मंजूर झालेल्या ठरावाला राज्य सरकारच्या मंत्रीमंडळाच्या बैठकीत मंजुरीही मिळाली होती. यास काँग्रेसच्या तत्कालीन नगरसेवकाने याविरोधात उच्च व नंतर सर्वोच्च न्यायालयात याचिका दाखल केली होती.
सेनेने काँग्रेसह घरोबा केल्याने शांत राहण्याची घेतली भूमिका
एकेकाळी छत्रपती संभाजीनगर असे नामकरण करण्याच्या मुद्यावर राजकारण करणार्‍या शिवसेनेने आता काँग्रेसबरोबर घरोबा मांडला असून या नामकरणाबाबत शांत राहण्याची भूमिका घेतली आहे. महाराष्ट्राच्या जनतेसाठी छत्रपती शिवाजी महाराज हे दैवत असून छत्रपती संभाजी महाराजांच्या बलिदानाने स्वराज्य लढ्याला मिळालेल्या उभारीमुळे त्यांचे नाव औरंगाबाद शहराला द्यावे, अशी मागणी मनसेने केली आहे.
हेही वाचा - नाशिकमध्ये गॅस गिझर फुटल्याने युवकाचा गुदमरून मृत्यू
हेही वाचा - मांजा विक्रेत्यांवर कारवाई करा, येवला पोलिसांना युवक काँग्रेसचे निवेदन
