नाशिक : 94 वे साहित्य संमेलन रद्द नाही तर स्थगित, कोरोनाची परिस्थिती पाहून नव्या तारखा जाहीर करणार

नाशिकमध्ये होणारे 94 वे अखिल भारतीय मराठी साहित्य संमेलन रद्द झाले नसून ते फक्त स्थगित करण्यात आले आहे. कोरोनाची परिस्थिती नियंत्रणात येताच संमेलन घेतले जाईल. त्यासाठी दर पंधरा दिवसांनी आढावा घेऊ, असे साहित्य संमेलनाचे कार्यवाहक तथा लोकहितवादी मंडळाचे विश्वस्त हेमंत टकले यांनी स्पष्ट केले.

नाशिक - जिल्ह्यात होणारे 94 वे अखिल भारतीय मराठी साहित्य संमेलन रद्द झाले नसून ते फक्त स्थगित करण्यात आले आहे. कोरोनाची परिस्थिती नियंत्रणात येताच संमेलन घेतले जाईल. त्यासाठी दर पंधरा दिवसांनी आढावा घेऊ, असे साहित्य संमेलनाचे कार्यवाहक तथा लोकहितवादी मंडळाचे विश्वस्त हेमंत टकले यांनी स्पष्ट केले. संमेलन आयोजनाचे काम सुरूच राहिल. स्थगितीमुळे मिळालेल्या वेळेत अधिक चांगले आयोजन करू, असा विश्वास देखील टकले यांनी बोलून दाखवला.

कोरोना रुग्ण संख्या वाढत असल्याने स्थगितीचा निर्णय
नाशिक येथे गोखले एज्युकेशन सोसायटीच्या प्रांगणात होणारे 94 वे अखिल भारतीय मराठी साहित्य संमेलन, कोरोनाच्या सावटामुळे अनिश्‍चित कालावधीसाठी स्थगित करण्याचा निर्णय अखिल भारतीय साहित्य परिषदेने औरंगाबाद येथे झालेल्या बैठकीत घेतला आहे. 26 ते 28 मार्च दरम्यान हे साहित्य संमेलन होणार होते. राज्यासह नाशिकमध्ये कोरोना रुग्णांची संख्या दिवसेंदिवस वाढत असून त्या पार्श्वभूमीवर हा निर्णय घेण्यात आला आहे, अशी माहिती साहित्य संमेलनाचे कार्यवाहक आणि लोकहितवादी मंडळाचे कार्यवाहक हेमंत टकले यांनी नाशिक येथील पत्रकार परिषदेत दिली.

...त्या वेळेस योग्य निर्णय घेऊ

साहित्य संमेलनाबाबत मागील काही दिवसापासून नाशिक येथील स्वागत समितीचे पदाधिकारी आणि अखिल भारतीय साहित्य परिषदेचे पदाधिकारी यांच्यामध्ये एकूणच इथल्या परिस्थिती संदर्भामध्ये विचार विनिमय आणि संपर्क होता. त्या माध्यमातूनच संमेलन स्थगित निर्णय घेण्यात आला आहे. भविष्यामध्ये ज्यावेळेस कोरोनाचा प्रादुर्भाव कमी होईल, त्या वेळेस योग्य निर्णय घेऊन हे संमेलन होणार आहे, असे टकले यांनी सांगितले.

हेही वाचा - तर पुन्हा एकदा लॉकडाऊन करणार; जिल्हाधिकारी सूरज मांंढरेंचा इशारा

हेही वाचा - नाशिक : राज ठाकरेंच्या दौऱ्यात चोरीचा प्रकार; पाकिटमाराला कार्यकर्त्यांनी दिला चोप