छळाला कंटाळून विवाहितेची आत्महत्या, गुन्हा दाखल

हुंड्यासाठी होणाऱ्या छळाला कंटाळून विवाहितेने आत्महत्या केल्याची घटना राहेगावमध्ये घडली आहे. या प्रकरणी पोलिसांनी सासरच्या मंडळींविरोधात गुन्हा दाखल केला आहे. हुंड्यात राहिलेले एक लाख रुपये माहेरून आणण्यासाठी या विवाहितेचा छळ करण्यात येत होता.

नांदेड - हुंड्यासाठी होणाऱ्या छळाला कंटाळून विवाहितेने आत्महत्या केल्याची घटना राहेगावमध्ये घडली आहे. या प्रकरणी पोलिसांनी सासरच्या मंडळींविरोधात गुन्हा दाखल केला आहे. हुंड्यात राहिलेले एक लाख रुपये माहेरून आणण्यासाठी या विवाहितेचा छळ करण्यात येत होता.

१८ डिसेंबरला विवाहितेने केली आत्महत्या

नांदेड तालुक्यातील राहेगाव येथील विवाहिता कल्पना तुकाराम इंगळे ( ३२ ) असे आत्महत्या केलेल्या महिलेचे नाव आहे. तीचा पती तुकाराम इंगळे, सासरा गोविंदराव इंगळे, सासू निलाबाई इंगळे, नणंद रुक्मीनबाई भोंग, जाऊ कौतीकबाई इंगळे हे सर्व जण कल्पना यांचा हुंड्यासाठी छळ करत होते. या छळाला कंटाळून कल्पाना इंगळे यांनी 18 डिसेंबरला राहत्या घरी गळफास घेऊन आत्महत्या केली. या प्रकरणी गुन्हा दाखल करण्यात आला आहे.