नांदेड : अवैध वाळू उपसा करण्यासाठी जे तराफे बनविले जात आहे. ते तराफे हे थर्माकॉलपासून बनविले जात आहे. त्यामुळे महसूल, मनपा व पोलिसांच्या संयुक्त विद्यमाने कारवाई करून थर्माकॉलचा साठा जप्त करण्यात आला, असून संबंधित दुकानादारास दंड ठोठावण्यात आला आहे.
राज्य शासनाने यापूर्वीच थर्माकोल विक्रीवर बंदी असताना नांदेड शहरातील काही व्यापारी मंडळी अवैधपणे थर्माकोलची विक्री करत असल्याच्या कारणांवरुन छापा मारला होता. तर, आता इतवारा भागातील सराफा व नगरेश्वर मंदिरातील कपडा कपडा मार्केटमध्ये म युनूस म इस्माईल, एका जुन्या घरात तसेच इतवारा पोलीस ठाणे जवळील मनपा मार्केटमधील मॉडर्न ट्रेडर्स या प्रतिष्ठानावर या पथकांनी छापा टाकला आहे.
या कारवाईत दोन प्रतिष्ठाने सील करण्यात आली. तसेच, एका प्रतिष्ठानास 5 हजार दंड लावून त्यातील माल जप्त करण्यात आला. ही कारवाई मनपाचे सह. आयुक्त गुलाम सादेख, डॉ. रईसोद्यिन, महसूल विभागाचे नायब तहसिलदार मोगाजी काकडे व पोलिस उपनिरिक्षक काळे व इतर कर्मचारी व पोलिस यांच्या पथकाने केली.
