नांदेड - डॉ. पंजाब भवन कोविड केअर सेंटरमधील 15 तर मुखेड कोविड केअर सेंटर येथील 8 असे एकूण २३ बाधित रूग्ण आज बरे झाले. त्यामुळे त्यांना रुग्णालयातून सुट्टी देण्यात आली. आत्तापर्यंत एकूण 209 व्यक्तींनी कोरोनावर मात केली आहे. आज दिवसभरात चार नवीन रुग्णांची नोंद झाली.
आज सापडलेल्या रुग्णांमध्ये राजनगर येथील एक, रहेमतनगर येथील एक, भगतसिंग रोड येथील एका रुग्णाचा समावेश आहे. याचबरोबर पिरबुऱ्हानगर येथील एका 62 वर्षीय पुरुषाचा मृत्यूनंतर अहवाल पॉझिटिव्ह झाला आहे. जिल्ह्यात आज प्राप्त झालेल्या 77 अहवालांपैकी 62 अहवाल निगेटिव्ह आले. आजच्या 4 बाधित व्यक्तींमुळे जिल्ह्यातील एकूण बाधितांची संख्या 301 झाली आहे. पुणे येथून 2 कोरोनाबाधित रूग्ण तसेच मंडई नांदेड येथील रहिवासी असलेली 45 वर्षाची माहिला हैद्राबाद येथून संदर्भीत करण्यात आली आहे. यामुळे नांदेड जिल्ह्याची एकुण कोरोना बाधित रुग्णांची संख्या 304 एवढी झाली आहे.
आत्तापर्यंत 304 बाधितांपैकी 209 रुग्णांना रुग्णालयातून सुट्टी देण्यात आली आहे. तर उर्वरीत 81 रुग्णांवर औषधोपचार सुरू आहेत. यातील चार बाधितांची प्रकृती गंभीर आहे.
जिल्ह्याची कोरोना विषयी संक्षिप्त माहिती खालील प्रमाणे -
सर्वेक्षण - 1 लाख 45 हजार 825
तपासणीसाठी घेतलेले स्वॅब - 5 हजार 639
निगेटिव्ह स्वॅब - 4 हजार 950
आज आलेले पॉझिटिव्ह स्वॅब - 4
एकुण पॉझिटिव्ह व्यक्ती- 304
स्वॅब तपासणी अनिर्णीत संख्या - 11
स्वॅब नाकारण्यात आलेली संख्या- 0
कोरोना मृत्यू संख्या - 14
रुग्णालयातून सुट्टी दिलेली संख्या - 209
रुग्णालयात उपचार घेत असलेले रुग्ण - 81
