मुंबई: 14 एप्रिल रोजी डॉ. बाबासाहेब आंबेडकर यांची जयंती आहे. त्यानिमित्ताने त्यांचे असंख्य अनुयायी चैत्यभूमीवर अभिवादन करण्यासाठी येतात. 14 एप्रिलला होणाऱ्या गर्दीच्या पार्श्वभूमीवर मुंबई पोलिसांच्या वाहतूक विभागाने वाहतुकीचे नियोजन केले आहे. त्यामुळे वाहतूक पोलिसांनी काही रस्ते बंद ठेवले असून पर्यायी रस्त्यांची सोय करून देण्यात आली आहे. तसेच वाहनांच्या पार्किंगची व्यवस्था करण्यात आली आहे.
वाहतुक कोंडी होण्याची शक्यता: भारतरत्न डॉ. बाबासाहेब आंबेडकर यांची १३२ वी जयंती साजरी करण्यात येणार असल्याने, डॉ. बाबासाहेब आंबेडकर यांचे असंख्य अनुयायी 13 एप्रिलपासुन ते 14 एप्रिल पर्यंत मोठया प्रमाणात चैत्यभूमी, दादर येथे दर्शनाकरिता येतात. या पार्श्वभुमीवर चैत्यभूमी व आसपासच्या परिसरात 13 व 14 एप्रिला वाहतुक कोंडी होण्याची शक्यता आहे. दरम्यान, अडथळा तसेच गैरसोय टाळण्याकरीता पोलीस उपायुक्त राज तिलक रौशन यांनी आदेश दिले आहे. 13 एप्रिल दुपारी 11:00 वाजल्यापासून 14 एप्रिल रात्री बारा वाजेपर्यंत चैत्यभूमी, शिवाजी पार्क, दादर परिसराकडे जाणाऱ्या खालील रस्त्यांवरील वाहतुकीचे नियमन व नियंत्रण करण्यात येणार आहे.
एक दिशा मार्ग व वाहतुकीसाठी बंद रस्ते : एस. के. बोले रोड हा सिध्दीविनायक मंदिर जंक्शनपासून पोतृगिज चर्च पर्यंत एक दिशा मार्ग राहिल. म्हणजेच पोतृनिज चर्च येथून एस. के. बोले रोडवर सिध्दीविनायकच्या दिशेने प्रवेश बंद राहणार आहे. तसेच स्वातंत्रवीर सावरकर मार्ग हा सिध्दीविनायक मंदिर जंक्शनपासून येस बँक पर्यंत वाहतुकीकरीता बंद राहणार आहे. तरी स्थानिक नागरीकांची वाहने शिवाजी पार्क रोड नं. ५ म्हणजे पांडूरंग नाईक मार्गाने जाऊ शकतील. रानडे रोड सर्व प्रकारच्या वाहतुकीकरीता बंद करण्यात आला आहे. ज्ञानेश्वर मंदिर रोड, एस. व्ही. एस. रोड जंक्शन पासून दादर चौपाटीपर्यंत सर्व प्रकारच्या वाहतूकीकरीता बंद केला आहे. सर्व प्रकारची जड वाहने, माल वाहतुकीची वाहने, नाहिन जंक्शन येथून एस. जे. रोड मार्गे वळविण्यात आली आहेत.
वाहतुकीची कोंडी झाल्यास पर्यायी मार्ग: उपलब्ध पर्यायी मार्ग असे असणार आहेत. दक्षिण वाहीनी पश्चिम दृतगतीमार्गे बांद्रामार्गे दक्षिणेकडे जाणाऱ्या वाहनांनी कलानगर जंक्शनकडे येथून डावे वळण घेऊन धारावी टी जंक्शन ते सायन रेल्वे स्थानक किंवा ६० फुट रोड, कुंभारवाडामार्गे साधन रुग्णालय येथे उजवे वळण घेऊ शकतात. अथवा बांदा-वरळी सागरी उड्डाणपुल मार्गे (सी लिंक) दक्षिण मुंबईकडे प्रस्थान करावे. उत्तर वाहीनी कुलाबा तसेच सी. पी. डीमेलो रोड, बॅरिस्टर नाथ पै रोड, जकेरीचा बंदर रोड, आर. ए. एस.एम.टी. नार्ग उत्तर वाहीनी वरून जाणान्या वाहनांनी के मार्ग यांचा वापर करून माटुंगा येथील अरोरा ब्रिजखाली उनके वळण घेवून पुढे साधन हॉस्पीटल जंक्शन मार्गे पुढे मार्गक्रमण करावे. अथवा बांद्रा-वरळी सागरी उड्डाणपूल गार्ने (सी लिंक) उत्तर मुंबईकडे प्रस्थान करावे.
या रस्त्यांवर दोन्ही बाजूस नो पार्किंग : उत्तर वाहीनी महालक्ष्मी रेल्वे स्थानक जंक्शन कडून उत्तर वाहिनी वरून जाणाऱ्या वाहनांनी डॉ. ई. मोजेस रोड, रखांनी चौक येथे उजवीकडे वळण घेवून सेनापती बापट मार्गे पुढे मार्गक्रमण करावे. तर पूर्व द्रुतगती महामार्गाने दक्षिणेकडे जाणारी वाहतुकिसाठी वाहनांनी वडाळा ब्रिजचा वापर करुन बरकत अली नाका, बी.पी. टी. कॉलनी, पूर्व दृतगती मार्गाचा वापर करावा. तसेच स्वातंत्रवीर सावरकर मार्ग सेन्च्युरी जंक्शन ते येस बँक जंक्शन, रानडे रोड, केळुस्कर रोड दक्षिण व उत्तर ज्ञानेश्वर मंदिर रोड येथे नो पार्किंग असणार आहे. तर वाहने पार्क करण्यास उपलब्ध असलेले रस्ते हे आहेत. उपलब्ध जागा संपुर्ण सेनापती बापट मार्ग, दादर इंडिया बुल फायनान्स सेंटर (PPL), कामगार मैदान, सेनापती बापट मार्ग, इंडिया बुलस् सेंटर, ज्युपीटर मिल कंपाऊंड, एलफिन्स्टन (PPL) पाच गार्डन, आर. ए. के. रोड, कोहिनुर स्क्वेअर कंपाऊंड, शिवाजी पार्क, दादर असे आहे.
हेही वाचा: Babasaheb Ambedkar Jayanti शाहू महाराजांच्या मदतीने उभा राहिला बाबासाहेबांचा छापखाना
