मुंबई - सणासुदीच्या काळात रेल्वे स्थानकांवर होणारी गर्दी लक्षात घेता आणि रेल्वे परिसरावरील प्रवाशांची संख्या नियंत्रित करण्यासाठी, पश्चिम रेल्वेच्या मुंबई मध्य विभागातील काही गर्दीच्या आणि महत्वाच्या स्थानकांवर ३१ ऑक्टोबरपर्यंत प्लॅटफॉर्म तिकिटाचा दर १० रुपयांवरून ५० रुपयांपर्यंत वाढवण्याचा निर्णय घेण्यात आला (Railway increase platform ticket) आहे. पश्चिम रेल्वेने ही माहिती दिली आहे. यामध्ये मुंबई सेंट्रल, दादर, बोरिवली, वांद्रे टर्मिनस, वापी, वलसाड, उधना आणि सुरत या रेल्वेस्थानकांचा समावेश (Mumbai Central Dadar Borivali Bandra Terminus) आहे.
गर्दीमुळे तिकीट वाढ : जर तुम्ही तुमच्या कुटुंबाबरोबर रेल्वे स्टेशनवर जात असाल, तर तुमचा खिसा थोडा मोकळा होणार आहे. वास्तविक, आता रेल्वे स्थानकावर प्लॅटफॉर्म तिकिटाचा दर १० रुपयांवरून ५० रुपयांवर गेला (increase platform ticket) आहे. तिकाटाच्या किमतीत पाचपट वाढ करण्यात आली आहे. सणासुदीच्या काळात रेल्वेस्थानकांवर लोकांची होणारी गर्दी पाहता हा निर्णय घेण्यात आला आहे.
स्थानकांवर तरीही गर्दी : विशेष म्हणजे दिवाळीचा सण सुरू झाला आहे. लोकाना सुट्ट्या लागल्याने गावी किंवा पर्यटनाला जाण्यासाठी रेल्वे स्थानकांवर येण्याची प्रक्रियाही सुरू झाली आहे. दिवाळीमध्ये स्थानकांवर गर्दी वाढल्याचे चित्र दिसून येत आहे. दिवाळी निमित्ताने लोक रेल्वे स्थानकांवर गर्दी करत आहेत. विशेषत: प्लॅटफॉर्म तिकीट खरेदीसाठी लांबच लांब रांगा लागल्या आहेत. रेल्वे व्यवस्थापकाने (डीआरएम) जारी केलेल्या आदेशानुसार, 31 ऑक्टोबरपर्यंत रेल्वे स्थानकावर प्लॅटफॉर्म तिकिटाचा दर १० रुपयांवरून ५० रुपयांपर्यंत (Railway Ticket) असेल.
गर्दीवर नियंत्रण : गेल्या काही दिवसांपासून मुंबईत कोरोना रूग्णसंख्या देखील वाढत आहे. यासाठी गर्दी नियंत्रणात ठेवणे अतिशय महत्त्वाचे आहे. परंतु दिवाळीच्या पार्श्वभूमीवर ही गर्दी वाढताना दिसून येत आहे. त्यामुळे तिकीट वाढ केलेली असू शकते. यामुळे तरी गर्दीवर थोडे फार नियंत्रण राहील, अशी अपेक्षा आहे. सर्वांच्या आरोग्याच्या दृष्टीने हा अत्यंत महत्त्वपूर्ण निर्णय (platform ticket) आहे.
