मुंबई : आज महाराष्ट्र सीईटी 2023 चा निकाल महाराष्ट्र राज्य सामायिक प्रवेश परीक्षा सेलद्वारे जाहीर केला जाणार आहे. सीईटीचा निकाल आज 12 जून रोजी सकाळी जाहीर झाला आहे. राज्य सामायिक प्रवेश परीक्षा सेल फिजिक्स, केमिस्ट्री, गणित आणि फिजिक्स, केमिस्ट्री आणि बायोलॉजी ग्रुप्ससाठी निकाल जाहीर होणार आहे. अधिकृत संकेतस्थळावर निकाल तपासता येईल. ही परीक्षा ऑनलाइन पद्धतीने घेण्यात आली.
'असा' असेल निकाल : महाराष्ट्र सीईटी परीक्षा निकाल 2023 मध्ये प्रवेश करण्यासाठी, उमेदवारांना निकालाच्या लिंकवर त्यांचा अर्ज क्रमांक आणि जन्मतारीख प्रविष्ट करावी लागेल. निकालासोबत, महाराष्ट्र सीईटी सेल महाराष्ट्र सीईटी 2023 टॉपर्सची यादी देखील प्रसिद्ध करेल. महाराष्ट्र सीईटी निकाल 2023 मध्ये उमेदवाराचे नाव, छायाचित्र, स्वाक्षरी, उमेदवाराच्या पालकाचे नाव, रोल नंबर, अर्ज क्रमांक, महाराष्ट्र सीईटी विषय गट, विषयानुसार पर्सेंटाइल स्कोअर आणि एकूण पर्सेंटाइल स्कोअर यांचा समावेश असणारा तपशील असेल.
'असा' तपासा निकाल : महाराष्ट्र सीईटीच्या अधिकृत वेबसाइटला भेट द्या- cetcell.mahacet.org. मुख्यपृष्ठावर, MHT CET निकाल 2023 लिंकवर क्लिक करा.पुढे, दिसणार्‍या विंडोवर लॉगिन क्रेडेंशियल्स एंटर करा आणि सबमिट वर क्लिक करा. पीसीएम, पीसीबीसाठी एमएचटी सीईटी निकाल स्क्रीनवर प्रदर्शित होईल. या सोप्या पद्धतीने आपण आपल्या परिक्षेचा निकाल पाहू शकतो.
निकाल जाहीर झाल्यानंतर काउन्सलिंग : महाराष्ट्र सीईटी 2023 चा निकाल जाहीर झाल्यानंतर काउन्सलिंग केले जाणार आहे. याद्वारे इंजीनिअरिंग, फार्मसी आणि कृषी अभ्यासक्रमांना प्रवेश दिला जाणार आहे. काउन्सलिंग सुरू होण्याची तारीख अजून जाहीर केलेली नाही. सीईटी सेलकडून यावर्षी पहिल्यांदा मोबाईल ॲपमार्फत उमेदवारांना प्रवेश प्रक्रियेबाबत माहिती मिळणार आहे, अशी माहिती देण्यात आली.
हेही वाचा :
