कोल्हापूर - कोल्हापूर जिल्ह्यात डेल्टा प्लसचा एकही रुग्ण सापडल्याची नोंद नाही. मात्र त्याचा धोका कोल्हापूर जिल्ह्याला अधिक आहे. रत्नागिरी, सिंधुदुर्ग जिल्ह्यात याचे रुग्ण आढळले आहेत. त्या जिल्ह्यातील लोक उपचार घेण्यासाठी कोल्हापुरात येत असतात. त्यामुळे सतर्क राहण्याच्या सूचना जिल्हा प्रशासनाला दिल्या आहेत. अशी प्रतिक्रिया ग्रामविकास मंत्री हसन मुश्रीफ यांनी दिली. आज जिल्ह्यातील कोरोना संदर्भात आढावा बैठक घेण्यात आली त्यावेळी ते बोलत होते.
या बैठकीला जिल्हाधिकारी दौलत देसाई, जिल्हा पोलीस प्रमुख डॉ. शैलेश बलकवडे, जिल्हा शल्य चिकित्सक डॉ. अनिल माळी, महानगरपालिका आयुक्त कादंबरी बलकवडे यांच्यासह अन्य अधिकारी उपस्थित होते.
पालकमंत्री हसन मुश्रीफ पत्रकारांशी बोलताना लसीकरण वाढवण्यासाठी प्रयत्न करणार -
कोल्हापूर जिल्ह्यातील नागरिकांसाठी लसीकरण वाढवण्यासाठी प्रयत्न करणार असून राज्य सरकारकडे पाठपुरावा करू करूनच संक्रमण रोखण्यासाठी लसीकरण हा एक मात्र पर्याय आहे त्यामुळे जिल्ह्यातील लसीकरण मोहीम वाढवण्यासाठी जास्तीत जास्त प्लस कसे असतील या दृष्टीने राज्य सरकारकडे प्रयत्न करू असे मुश्रीफ म्हणाले
