कोल्हापूर - अभिनेता सलमान खानने कोल्हापूर दक्षिणचे आमदार ऋतुराज पाटील यांच्या कामाचे कौतुक केले आहे. ऋतुराज पाटील यांनी दक्षिण मतदारसंघातील खाजगी डॉक्टर, आयसोलेशन हॉस्पिटल कम्युनिटी क्लिनिकमधील डॉक्टर, 108 रुग्णवाहिका डॉक्टर आणि ड्रायव्हर्स, व्हाईट आर्मी जवान यांना स्वखर्चाने 1 हजार पीपीई कीट दिले होते. याच कामाचे सलमान खानने कौतुक केले आहे.
सलमान खानने याबाबत ट्विट करून या अभिनव उपक्रमाचे कौतुक केले आहे. या ट्विटला उत्तर देताना आमदार ऋतुराज पाटील यांनी सामाजिक उपक्रमाचे कौतुक केल्याबद्दल सलमान खानचे आभार मानले आहेत. बिईंग ह्यूमनच्या माध्यमातून आपण करत असलेले काम सर्वांसाठी मार्ग दाखवणारे आहे. कोरोनाच्या संकटात मी शक्य त्या मार्गाने लोकांना मदत करत आहे. शिवाय लवकरच कोरोनाचे संकट देशासह जगावरून दूर होईल, असा विश्वास ऋतुराज पाटील यांनी व्यक्त केला आहे.
