कोल्हापूर - रविवारपासून सर्वत्र शारदीय नवरात्र उत्सवाची सुरुवात होत आहे. साडेतीन शक्तिपीठांपैकी एक असलेल्या कोल्हापुरातील अंबाबाई मंदिरात दरवर्षी मोठ्या उत्साहात नवरात्रोत्सव साजरा होतो. अंबाबाई मंदिर परिसरात नवरात्रोत्सवाची तयारी पूर्ण झाली आहे.
नवरात्रोत्सवासाठी कोल्हापूरच्या अंबाबाई मंदिर परिसरात तयारी पुर्ण
एक आठवडा आधीपासूनच मंदिर परिसरात उत्सवाची तयारी सुरू झाली होती. दरवर्षी नवरात्रोत्सव काळात लाखो भाविक अंबाबाईच्या दर्शनासाठी येतात. त्यांची गैरसोय होऊ नये यासाठी मंदिर परिसरात मंडप घालण्यात आले आहेत.
हेही वाचा - नाशकात नवरात्रोत्सवाची तयारी अंतिम टप्प्यात
मंदिरातील स्वच्छतेची कामे पूर्ण झाली आहेत. संपूर्ण मंदिरावर आणि मंदिर परिसरात विद्युत रोषणाई करण्यात आली आहे. सुरक्षेच्या दृष्टिकोनातून मंदिर परिसरात मोठ्या प्रमाणात पोलीस बंदोबस्त करण्यात आला आहे.
