हिंगोली - हिंगोलील आज होणाऱ्या वंचित बहुजन आघाडी सत्ता संपादन महामेळाव्याची तयारी अंतिम टप्प्यात आली आहे. मागील ३ ते ४ दिवसांपासून या मेळाव्याची तयारी मोठ्या गतीने सुरू आहे. मंगळवारी दुपारी २ वाजता हा मेळावा दसरा मैदानावर होणार आहे.
मेळाव्यासाठी आमदार इम्तियाज जलील, हरिभाऊ भदे, लक्ष्मण माने, विजय मोरे, वारीस पठाण, डॉ. गफ्फार कादरी, गणपत भिसे, रविकांत राठोड, शिवानंद हैबतपुरे, किसन राठोड, अरुण चव्हाण आदींची उपस्थिती राहणार आहे. वंचित बहुजन आघाडीच्या वतीने मेळाव्याची जय्यत तयारी सुरू आहे. बहुजन समाज आजही सत्तेपासून वंचित आहे. देशावर काही मोजक्याच घराण्याचे राज्य असल्याने बहुजन समाजाला सत्तेचा काही प्रमाणात का होईना वाटा मिळणे अपेक्षित आहे, तरीदेखील तो मिळाला नाही, बहुजन समाज प्रयत्नशील आहे. त्यामुळेच वंचित बहुजन आघाडी सत्तासंपादन मेळाव्याचे मोठ्या उत्साहात हिंगोली येथे आयोजन केले आहे. मेळाव्यात बाळासाहेब आंबेडकर आणि हे मार्गदर्शन करणार आहेत. मेळाव्यासाठी जिल्हाभरातून मोठ्या संख्येने नागरिक येणार आहेत.
